ویب ڈیسک: ایک چینی خاتون کی مختصر سی ویڈیو کلپ گزشتہ ہفتے چینی سوشل میڈیا پر وائرل ہوئی، یہ کلپ خاتون نے اپنی کمسن نواسی کے ساتھ سوشل میڈیا پر شیئر کی تھی۔
ویڈیو وائرل ہونے کی وجہ اس خاتون کی ظاہری شکل و صورت ہے کیونکہ وہ نانی ہونے کے باوجود کافی نوجوان نظر آتی ہیں,شمال مشرقی چین کے شہر تیان جن سے تعلق رکھنے والی اس پرکشش خاتون نے سوشل میڈیا پر دھوم مچا دی اور کئی میڈیا اداروں نے ان سے انکی ناقابل یقین حد تک نوجوان نظر آنے کی وجہ جاننے کےلیے انٹرویو کی خواہش کا اظہار کیا۔
یہ خاتون جنھوں نے اپنا نام نہیں بتایا اور گمنام رہنے کو ترجیح دی، انکا کہنا تھا کہ وہ اس مختصر ویڈیو کلپ پر لوگوں کی جانب سے اس بھرپور توجہ پر حیران رہ گئی ہیں,انکا دعویٰ تھا کہ وہ تو صرف اپنی پیاری نواسی کو دکھانا چاہتی تھیں، لیکن انھوں نے سوچا بھی نہیں تھا کہ انکا آن لائن اس طرح ظاہر ہونا یوں وائرل ہوجائے گا۔
خاتون نے بتایا کہ انکی بہت کم عمری میں بیٹی پیدا ہوگئی تھی اور اسی وجہ سے وہ اس عمر میں نانی بن گئیں, نوجوان نظر آنے کے لیے کوئی غیر معمولی کام نہیں کرتیں، صرف اپنی جلد کا اچھی طرح سے خیال رکھنے کے ساتھ پابندی سے ایکسر سائز اور متوازن غذا لیتی ہیں۔