خیال رہے کہ وزیراعظم شہباز شریف سعودی ولی عہد شہزادہ محمد بن سلمان کی دعوت پر سعودی عرب کا دو روز دورہ کر رہے ہیں۔ قبل ازیں شہباز شریف نے سعودی فیوچر انویسٹمنٹ انیشیٹو سمٹ سے خطاب کیا، دوران خطاب انہوں نے کہا کہ مستقبل کے حوالے سے سعودی حکومت کا وژن لائق تحسین ہے، معاشی اور سماجی ترقی میں خواتین کا با اختیار ہونا بہت ضروری ہے۔Bilateral meeting of Prime Minister Shehbaz Sharif with His Royal Highness Crown Prince and Prime Minister of Kingdom of Saudi Arabia Mohammed bin Salman al Saud. pic.twitter.com/vJs0FE2v42
— President PMLN (@president_pmln) October 25, 2022
دورہ سعودی عرب میں موجود وزیراعظم شہباز شریف نے اپنے وفد کے ہمراہ عمرے کی سعادت حاصل کی اور ملکی سلامتی کیلئے دعائیں بھی کیں ۔ تفصیلات کے مطابق دورہ سعودی عرب پر موجود وزیراعظم شہباز شریف نے اپنے وفد کے ہمراہ مکہ مکرمہ کی عظیم الشان مسجد نبوی میں عمرہ ادا کیا، انہوں نے حجر اسود کو بو سہ دیا اور ملک کی خوشحالی اور سلامتی کے لئے خصوصی دعائیں بھی کیں۔ اس کے علاوہ وزیراعظم نے امت مسلمہ اور پاکستان کی سلامتی اور خوشحالی کیلئے دعا کی۔ اس سے قبل انہوں نے سعودی عرب کے ولی عہد اور وزیراعظم شہزادہ محمد بن سلمان سے ملاقات کی ، ملاقات میں دونوں رہنماؤں نے دو طرفہ تعلقات اور باہمی امور سمیت دیگر اہم ایشوز پر تبادلہ خیال کیا ۔ دونوں رہنماؤں کی جانب سے پاک سعودی تعلقات کا جائزہ لیا گیا جب کہ مستقبل میں دونوں ممالک کے درمیان سرمایہ کاری کے فروغ اور مختلف شعبوں میں تعاون کو بڑھانے پر اتفاق کیا گیا۔ وزیراعظم شہباز شریف نے کہا کہ سعودی ولی عہد سے ملاقات بہت خوش گوار رہی، دوطرفہ تعلقات کو بڑھانے اور برادرانہ نسبت کو نئی بلندیوں تک لے جانے پر اتفاق ہوا۔