الیکشن کمیشن کا قومی اسمبلی کی 33 نشستوں پر ضمنی انتخاب کے شیڈول کا اعلان

اسلام آباد: الیکشن کمیشن نے قومی اسمبلی کی 33نشستوں پر ضمنی انتخاب کے شیڈول کااعلان کردیا ہے۔ الیکشن کمیشن آف پاکستان (ای سی پی ) کی جانب سے کہا گیا ہے کہ قومی اسمبلی کی 33نشستوں پر ضمنی الیکشن 16مارچ کو ہوگا، امیدوار کاغذات نامزدگی 6سے 8فروری تک جمع کراسکیں گے جبکہ کاغذات نامزدگی کی جانچ پٹرتال 9فروری کو ہوگی۔ الیکشن کمیشن 33حلقوں میں امیدواروں کو انتخابی نشانات 23فروری کو جاری کرے گا۔

#ECP Notifies Bye Elections Programme In 33 Constituencies Of National Assembly Of Pakistan pic.twitter.com/sj0xrUndFZ

— Election Commission of Pakistan (OFFICIAL) (@ECP_Pakistan) January 27, 2023

کراچی کی 9 ، راولپنڈی کی 5 ، اسلام آباد کی 3 ، لاہور اورملتان کی 2،2 ، خیبرپختونخوا کی 8 ،بلوچستان کی 1 جبکہ جہلم، بھکر اور ڈی جی خان کی 1،1 نشست پر 16 مارچ کو پولنگ ہوگی۔