جب سورج جل کر راکھ ہو جائے گا!!

یہ سوچنا خوفناک ہے کہ جب ہمارا سورج ختم ہو جائے گا تو ہمارے ساتھ کیا ہو گا! لیکن اب سائنسدانوں نے انکشاف کیا ہے کہ کس دن ہمارا سورج مکمل طور پر جل کر راکھ ہو جائے گا۔

ہارورڈ کالج آبزرویٹری، سمتھسونین ایسٹرو فزیکل آبزرویٹری اور سینٹر فار ایسٹرو فزکس کے سائنسدانوں نے پیش گوئی کی ہے کہ ہمارا سورج اگلے 5 بلین سالوں میں مکمل طور پر ٹھنڈا ہو جائے گا۔ سائنسدانوں نے یہ بھی بتایا کہ سورج ابھی اپنے درمیانی مرحلے میں ہے۔

سائنسدانوں نے اس تاریخ کو سورج میں ہونے والے جوہری ردعمل کے حساب سے لگایا ہے۔ اس پراجیکٹ پر کام کرنے والی سائنسدان پاولا ٹیسٹا نے کہا کہ یہ حساب جوہری ردعمل کی بنیاد پر کیا گیا ہے۔ پاولا ٹیسٹا نے بتایا کہ 1930 سے ​​پہلے یہ خیال کیا جاتا تھا کہ سورج کی طاقت کشش ثقل سے آتی ہے۔ لیکن سائنسدانوں کو اب ایٹمی طاقت کے بارے میں پتہ چل گیا ہے۔ حالانکہ سائنس ابھی تک بہت سی چیزوں کے بارے میں نہیں جان سکی ہے۔

پاولا ٹیسٹا نے کہا کہ سورج اس وقت جوہری توانائی سے جلتا ہے۔ جس دن ایٹمی توانائی ختم ہو جائے گی، اسی دن ہمارا سورج مکمل طور پر جل کر راکھ ہو جائے گا اور اس کا وجود ختم ہو جائے گا۔ سائنسدانوں نے اپنی تحقیق میں یہ بھی بتایا کہ جس دن سورج ختم ہو گا اسی دن ہماری زمین بھی ختم ہو جائے گی۔ سائنسدانوں کے مطابق ایسا اس لیے ہوگا کیونکہ زمین اپنی بقا کے لیے صرف سورج پر منحصر ہے۔ حالانکہ ایسا ہونے میں 5 ارب سال باقی ہیں۔

سائنسدانوں کے مطابق ہم سورج کو طاقت کا بنیادی ذریعہ سمجھتے ہیں۔ ہمارے نظام شمسی کا مرکز سورج ہے لیکن کائنات میں سورج سے کئی گنا بڑے ستارے ہیں۔ بہت سے ستارے سورج سے 100 گنا بڑے ہیں۔