خوراک میں جعلسازی کرنے والوں کے خلاف پنجاب فوڈ اتھارٹی سرگرم

خوراک میں جعلسازی کرنے والوں کے خلاف پنجاب فوڈ اتھارٹی سرگرم

پبلک نیوز : فوڈ سیفٹی ٹیم کی جام پور میں بیوریجز یونٹ پر کارروائی۔ مس برانڈنگ کرنے پر سونیک فوڈز کو سیل کر دیا گیا۔

ڈی جی فوڈ اتھارٹی کا کہنا تھا کہ مشروبات کی پیکنگ پر دوسرے معروف برانڈز کا نام اور پتہ درج کیا جارہا تھا۔ ٹیسٹ کے دوران ڈرنکس کی برکس ویلیو بھی معیار سے کم پائی گئی۔ حشرات اور چھپکلیوں کی روک تھام کے لیے مناسب انتظامات نہ کیے گئے۔ 90لٹر مینگو ڈرنکس، 700خالی بوتلیں اور 1کلو پیکنگ مٹیریل ضبط کر لیا گیا۔

ڈی جی فوڈ اتھارٹی کے مطابق خوراک کی تیاری میں دھوکہ دہی کرنے والے معاشرے کے لیے ناسور ہیں۔ صحت دشمن عناصر کیخلاف قانون کے مطابق کارروائیاں عمل میں لائی جارہی ہیں۔

شازیہ بشیر نےلاہور کالج فار ویمن یونیورسٹی سے ایم فل کی ڈگری کر رکھی ہے۔ پبلک نیوز کا حصہ بننے سے قبل 42 نیوز اور سٹی42 میں بطور کانٹینٹ رائٹر کام کر چکی ہیں۔