رانا شمیم کے صاحبزادے لائیو پروگرام میں کیا پیتے رہے؟

ویب‌ڈیسک: گلگت بلتستان کے سابق چیف جج رانا شمیم کے صاحبزادے احمد حسن رانا نے کہا ہے کہ شراب کو اسلام میں حرام قرار دیا گیا ہے لیکن اگر یہ حلال ہوتی تو مجھ سے زیادہ کوئی نہ پیتا، میں جنت میں جا کر شراب نوشی کروں گا، اگر وہاں چلا گیا تو۔ دعا کریں کہ میں جنت میں پہنچ جائوں۔ احمد حسن رانا نے یہ دلچسپ باتیں غریدہ فاروقی کے پروگرام میں گفتگو کرتے ہوئے کہیں۔ ان کا کہنا تھا کہ مجھ پر ٹی وی پر الزام لگایا گیا کہ میں “چُسکیاں” لے کر وہسکی پی رہا تھا۔ میں تو ایپل جُوس پیتا ہوں۔

میں وہسکی ???? نہیں ایپل جوس پیتا ہوں۔ احمد حسن رانا نے پروگرام میں مزے مزے سے “چُسکیاں” لیتے ہوئے دکھا دیا۔ کیمرہ مین کو بھی پینے کی دعوت دے دی !! شراب مجھے بہت پسند ہے۔ رنگ مجھے بہت اچھا لگتا ہے؛ جج رانا شمیم کے صاحبزادے اور قانونی ٹیم ممبر؛ احمد حسن رانا ایڈووکیٹ؛ #GFG pic.twitter.com/jIkSbZlqHX

— Gharidah Farooqi (@GFarooqi) November 30, 2021

غریدہ فاروقی نے ان سے پوچھا کہ کیا آپ کو شراب نوشی پسند ہے؟ اس کا جواب دیتے ہوئے رانا شمیم کے صاحبزادے نے کہا کہ جی بالکل جس چیز سے اللہ تعالیٰ نے انسان کو منع فرمایا، اس کی رغبت اسی چیز کی جانب بڑھتی ہے۔ مجھے شراب کا رنگ بڑا ہی پسند ہے۔

میں راجپوت ہوں مجھے گھر میں داخل ہونے سے کوئی نہیں روک سکتا۔ کاشف عباسی کے پروگرام کا ایک فائدہ ہوا میری بیوی مان گئیں۔ گانا کون سا سنانا چاہتے تھے، احمد حسن رانا ایڈووکیٹ نے وہ بھی بتا دیا؛ جج رانا شمیم کے صاحبزادے اور قانونی ٹیم ممبر۔۔ #GFG @Kashifabbasiary pic.twitter.com/1PuefRduxn

— Gharidah Farooqi (@GFarooqi) November 30, 2021

ان کا کہنا تھا کہ میں راجپوت ہوں، مجھے گھر میں داخل ہونے سے کوئی نہیں روک سکتا۔ کاشف عباسی کے پروگرام کا ایک فائدہ ہوا کہ میری بیوی مان گئی ہے۔