سائفر کیس سے متعلق خصوصی عدالت کے جج نے وزارت قانون سے رائے طلب کر لی ہے کہ کل سماعت جوڈیشل کمپلیکس یا اڈیالہ جیل پر کی جائے۔ آفیشل سیکرٹ ایکٹ عدالت کے جج ابوالحسنات ذوالقرنین نے وفاقی وزارت قانون کو خط لکھ کر پوچھا ہے کہ کیا چیئرمین پی ٹی آئی کو عدالت لانے کیلئے کوئی سکیورٹی خدشہ ہے؟ چیئرمین پی ٹی آئی اہم شخصیت اور سیاسی جماعت کے سربراہ ہیں، ان کی سکیورٹی عدالت کو مدنظر رکھنی پڑے گی۔ جج ابوالحسنات ذوالقرنین نے لکھا کہ اگر سکیورٹی خدشات نہیں تو بدھ کے روز سماعت جوڈیشل کمپلیکس میں ہو گی۔