اسلام آباد (پبلک نیوز) الیکشن کمیشن آف پاکستان نے انتخابی فہرستوں میں درج مرد و خواتین رائے دہندگان کے اعداد و شمار جاری کردیئے۔اعداد و شمار کے مطابق پاکستان میں مجموعی طور پر رائے دہندگان کی تعداد 11 کروڑ 82 لاکھ 24 ہزار 6 سو 97 تک پہنچ گئی۔ پنجاب میں رائے دہندگان کی کُل تعداد 6 کروڑ 75 لاکھ 21 ہزار2 سو 57 ہے۔ الیکشن کمیشن کے مطابق سندھ میں رائے دہندگان کی کُل تعداد 2 کروڑ 49 لاکھ 45 ہزار 5 سو 95 تک پہنچ گئی۔ خیبر پختوانخوا رائے دہندگان کی کُل تعداد 1 کروڑ 99 لاکھ 61 ہزار 4 سو 14 ہے۔جاری کردہ اعداد و شمار کے مطابق بلوچستان میں 49 لاکھ 19 ہزار 4 سو 57 تک پہنچ گئی۔ اسلام آباد رائے دہندگان کی کُل تعداد 8 لاکھ 76 ہزار 9 سو 74 تک پہنچ گئی۔