رحیم یار خان ( پبلک نیوز) حوا کی بیٹیاں غیرت کے نام پر سماج کی بھینٹ چڑھ گئیں۔ کاروکاری کے الزام پر شوہر نے بیوی اور 3 بیٹیوں سمیت 4 خواتین کو قتل 1 کو زخمی کردیا۔ ترجمان پولیس کا کہنا تھا کہ زخمی خاتون کو تشویشناک حالت میں شیخ زید ہسپتال منتقل کردیا گیا۔ واقعے کی اطلاع ملتے ہی پولیس اور ریسکیو ٹیمیں موقع پر پہنچ گئیں۔ واقع تھانہ کوٹ سمابہ کے علاقے میں مو مبارک روڈ پر پیش آیا۔ پولیس نے خواتین کے قتل میں ملوث 2 افراد کو گرفتارکر لیا۔ واقعے کی مزید تحقیقات جاری ہیں۔