ویب ڈیسک: پاکستان کا ایک اور اعزاز، وطن عزیز کی بیٹی عروبہ فریدی صرف 23 سال کی عمر میں ایروسپیس انجینئر بن گئیں۔
تفصیلات کے مطابق عروبہ فریدی ملک پاکستان کا نام روشن کرنے میں لگی ہوئی ہیں۔ انھوں نے ثابت کر دیا کہ پاکستان میں خواتین کسی سے کم نہیں ہیں اور وہ دنیا کا کوئی بھی کام کر سکتی ہیں۔ انھوں نے پاکستان کی کم عمر ترین ایروسپیس انجینئر ہونے کا اعزاز بھی اپنے نام کر لیا ہے۔
ان کا کہنا ہے کہ مجھے بچپن ہی سے مکینکس کا شوق تھا۔ میرے والد الیکٹرک انجینئر ہیں۔ ان کا دیکھ دیکھ کر مجھ میں اس شوق نے جنم لیا۔ یہ شوق مجھے یہاں تک لے آیا۔ اب میں ایروسپیس کے طور پر مقامی ایئر کرافٹس پر کام کر رہی ہوں۔
Arooba Faridi, an Aircraft Engineer, recently got her International Aircraft maintenance License.
Pakistan's youngest female Aerospace engineer with maximum Basic categories license from EASA (European Aviation Safety Agency), #theotheside #pakistan #aroobafaridi pic.twitter.com/A9liy2HLar— Maiza Hameed Gujjar (@MaizaHameed) April 18, 2021
عروبہ کے مطابق پاکستان میں خواتین کو تکنیکی شعبوں میں آنے کے لیے کافی مشکلات کا سامنا کرنا پڑتا ہے۔ اس کی وجہ ان پر بھروسہ نہ کرنا ہے۔ ان کو بھی شروع میں ایسے مسائل درپیش تھے۔ والدین نے ان کا ساتھ دیا، یہاں تک کہ جب وہ رات کی شفٹ میں کام کر کے لوٹتیں تو وہ گھر کے باہر ان کا انتظار کرتے ہوئے پائے جاتے تھے۔