وزیر داخلہ رانا ثنا اللہ نے کہا ہے کہ حکومت نے غیراخلاقی ویڈیوز کے ذریعے لوگوں کو بدنام کرنیوالے عناصر کے خلاف کارروائی کا فیصلہ کیا ہے۔ انہوں نے آج ایک بیان میں کہا کہ سوشل میڈیا پر غیر اخلاقی مواد پھیلانے والوں کو گرفتارکیا جائے گا۔ رانا ثنا اللہ نے کہاکہ وزیراعظم شہبازشریف نے ایسے کسی مواد کو برداشت نہ کرنے کی ہدایت کی ہے۔ انہوں نے کہا کہ سوشل میڈیا کو دوسروں پر کیچڑ اچھالنے کی اجازت نہیں دی جائے گی، انہوں نے کہا کہ بلیک میلنگ کیلئے استعمال کئے جانے والے مواد کے واقعات کو روکا جائے گا۔وزیرداخلہ نے کہاکہ مجرمانہ سرگرمیوں میں ملو ث افراد سے آہنی ہاتھوں سے نمٹا جائے گا۔