سعودی وزارت محنت و افرادی قوت نے یہ ہدایت جاری کی ہے کہ دوپہر 12 سے 3 بجے تک کھلے مقامات پرکام کرنے پر اب پابندی ہوگی۔ تفصیلات کے مطابق سعودی عرب حکومت کی طرف سے ملک میں دوپہر کے وقت دھوپ میں کام کرنے پر پابندی لگا دی گئی ہے۔ غیر ملکی میڈیا رپورٹس کے مطابق سعودی وزارت محنت و افرادی قوت نے یہ ہدایات جاری کی ہیں جس کے مطابق دوپہر 12 سے 3 بجے تک کھلے مقامات پرکام کرنے پر پابندی ہوگی۔ رپورٹ کے مطابق پابندی کا اطلاق 15 جون سےہوگا اور یہ پابندی 15 ستمبر تک نافذ رہے گی۔