اسلام آباد(بلک نیوز) اسپیکر قومی اسمبلی اسد قیصر نے کہا ہے کہ گزشتہ روز پارلیمان کے سامنے پیش آئے ناخوشگوار واقعے پر دکھ اور افسوس ہوا۔
اسپیکر قومی اسمبلی کا پنے ٹویٹر پیغام میں کہنا تھا کہ سیاست میں شائستگی، تحمل، برداشت اور رواداری کا کلچر اپنانا ہو گا۔ اراکین پارلیمنٹ منتخب عوامی نمائندے ہیں ان کی عزت ہم سب پر لازم ہے، واقعہ کی مکمل اور جامع انکوائری کروائی جائے گی۔
یاد رہے کہ گزشتہ روز پارلیمنٹ کے باہر مسلم لیگ ن کے رہنماؤں کی پریس کانفرنس کے دوران پی ٹی آئی کارکنان نے نعرہ بازی کی جس کے بعد صورتحال کشیدہ ہو گئی اور نوبت ہاتھا پائی تک آ گئی۔ اس دوران مسلم لیگ ن کے رہنماء احسن اقبال کی طرف جوتا بھی اچھالا گیا۔
گزشتہ روز پارلیمان کے سامنے پیش آئے ناخوشگوار واقع پر دکھ اور افسوس ہوا، سیاست میں شائستگی، تحمل، برداشت اور رواداری کا کلچر اپناناہوگا۔ اراکین پارلیمنٹ منتخب عوامی نمائندے ہیں ان کی عزت ہم سب پر لازم ہے، واقعہ کی مکمل اور جامع انکوائری کروائی جائے گی!
— Asad Qaiser (@AsadQaiserPTI) March 7, 2021
پی ٹی آئی کے کارکنان وزیر اعظم پر اعتماد کے ووٹ کی کارروائی سے پہلے ڈی چوک پر ان کے ساتھ اظہار یکجحتی کرنے کے لیے پہنچے تھے۔