اسلام آباد: اوگرا نے چیف سیکرٹری پنجاب کو فوری کاروائی کیلئے مراسلہ لکھ دیا ہے۔ ملک کے کئی علاقوں میں پیٹرول ڈیزل کا مصنوعی بحران ہے، اس حوالے سے اوگرا نے چیف سیکرٹری پنجاب کو فوری کاروائی کیلئے مراسلہ لکھ دیا ہے۔ اوگرا نے مراسلے میں کہا ہے کہ مارکیٹ میں مصنوعی بحران پیدا کرنے والوں کی فہرست فراہم کر دی، مصنوعی بحران میں مارکیٹ انٹیلیجنس کے ذریعے فہرستیں مرتب کی گئیں ہیں ۔ اوگرا نے پنجاب میں واقع غیر قانونی اسٹوریج، گوداموں پر چھاپوں کی ہدایت کر دی ہے ، اس کے علاوہ صوبے میں پیٹرولیم مصنوعات کی بلاتعطل فراہمی کو یقینی بنانے کیلئے اقدامات کی بھی ہدایت کی گئی ہے۔ اوگرا نےاسٹوریجز کو چیک کرنے کے لیے انفورسمنٹ ٹیمیں بھی تشکیل دے دیں ہیں ۔