رانا صاحب! اس کھیل میں ہماری چونچ اور آپکی دم گم اور عوام مر جائے گی

وفاقی وزیرداخلہ رانا ثناءاللہ کی گرفتاری کے ناقابل ضمانت وارنٹ جاری ہونے کے بعد رہنما تحریک انصاف شہباز گل کا کہنا ہے کہ اس کھیل میں ہماری چونچ اور آپکی دم گم اور عوام مر جائے گی۔ پی ٹی آئی کے رہنما شہباز گل نے سماجی رابطے کی ویب سائٹ ٹوئٹر پر ٹوئٹ کرتے ہوئے لکھا ہے کہ رانا ثناءاللہ کے وارنٹ گرفتاری جاری ہو گئے ہیں، میں ابھی بھی یہی کہتا ہوں کہ رانا صاحب یہ کھیل جو کھیلا جا رہا ہے اس میں ہماری چونچ اور آپکی دم گم ہو جائے گی اور عوام بھوکی مر جائے گی۔ شہباز گل مزید لکھا کہ اس لئے حل صرف ایک ہے فوری الیکشن تا کہ عوام اپنی نمائندہ حکومت چنے جو آ کر عوام کی خدمت کرے اور لوٹ مار بند ہو۔ انہوں نے ٹوئٹ میں وفاقی وزیرداخلہ رانا ثناءاللہ کے وارنٹ گرفتاری کی تصویر بھی شئیر کی۔

رانا تنا کے وارنٹ گرفتاری جاری ہو گئے۔ میں ابھی بی یہی کہتا ہوں رانا صاحب یہ کھیل جو کھیلا جا رہا ہے اس میں ہماری چونچ اور آپکی دم گم ہو جائے گی۔ عوام بھوکی مر جائے گی۔اس لئے حل صرف ایک ہے فوری الیکشن تا کہ عوام اپنی نمائندہ حکومت چنے جو آ کر عوام کی خدمت کرے اور لوٹ مار بند ہو pic.twitter.com/H4QlmUxLKr

— Dr. Shahbaz GiLL (@SHABAZGIL) October 8, 2022