ترجمان نادرا کے مطابق اب صارفین کے گھر بیٹھے انگلیوں کے نشانات حاصل، اور ان کی تصدیق بھی کی جا سکتی ہے۔ بائیومیٹرک تصدیق کے سسٹم کا اجراء آج اسلام آباد میں گورنر اسٹیٹ بینک باقر رضا کے نادرا ہیڈکوارٹرز کے دورے کے موقع پر کیا گیا۔…اس ٹیکنالوجی کی بدولت بینکاری نظام میں سمارٹ موبائل فون کیمرے کے ذریعے صارفین کے گھر بیٹھے انگلیوں کے نشانات حاصل کئے جا سکتے ہیں اور ان کی تصدیق بھی کی جا سکتی ہے۔ 3/4@ReplyTariq #DigitalPakistan pic.twitter.com/FOef1IqYGd
— NADRA (@NadraMedia) September 9, 2021
اسلام آباد ( پبلک نیوز) نادرا کی جانب سے بینکنگ سسٹم کے لئے انقلابی سہولت، گورنر اسٹیٹ بینک رضا باقر کا نادرا ہیڈکوارٹرز اسلام آباد کا دورہ، چیئرمین نادرا طارق ملک سے ملاقات، چیئرمین نادرا کی گورنر اسٹیٹ بینک کنٹیکٹ لیس بائیومیٹرک تصدیق پر مبنی ڈجیٹل ٹیکنالوجی پر بریفنگ۔ تفصیلات کے مطابق نادرا کی جانب سے بینکنگ سسٹم کے لئے انقلابی سہولت متعارف کرا دی گئی۔ بائیومیٹرک تصدیق کے لئے اب بینک جانے کی ضرورت نہیں۔ صارفین اب گھر بیٹھے انگھوٹوں کے نشان کی تصدیق کر سکیں گے۔ بینک، شناختی کاغذات اور بائیو میٹرک اب ایک موبائل ٹچ پر آپ کے ہاتھ میں ہو گا۔ گھر بیٹھے انگھوٹوں کے نشان کی تصدیق کریں اور اپنی بینکنگ سہولیات استعمال کریں۔ کنٹیکٹ لیس بائیومیٹرک تصدیق کا عمل نادرا اور سٹیٹ بنک نے شروع کیا۔