ملتان (پبلک نیوز) پاکستان تحریک انصاف کے سینئر رہنما اور وفاقی وزیر خارجہ شاہ محمود قریشی نے کہا ہے کہ جہانگیر ترین اگر پیپلز پارٹی نے میں جانا چاہتے ہیں تو استعفا دے دیں۔میڈیا سے گفتگو کرتے ہوئے ان کا کہنا تھا کہ جہانگیر ترین کو کسی بھی قسم کی اگر تشویش ہے تو عمران خان کے دروازے ان کے لیے ہمیشہ کھلے ہیں۔ لیکن وہ کسی کے سامنے بلیک میل نہیں ہونے والے۔ پی ٹی آئی کا منشور ہی کرپشن کا خاتمہ ہے تو اس حوالے سے وزیر اعظم کوئی بھی سمجھوتہ کرنے پر تیار نہیں ہوں گے۔انھوں نے مزید کہا کہ حکومتیں آتی اور جاتی رہتی ہیں، مگر کوئی پارٹیوں کے بنیادی نظریات پر سمجھوتے نہیں کیے جاتے۔ وزیر اعظم نے مافیاز کا مقابلہ کرنے کا عزم کر رکھا ہے۔ مہنگائی سے چیلنج سے نبرد آزما ہیں۔ ذخیرہ اندوزی اور سٹہ بازاری کا مقابلہ کر رہے ہیں۔