لاہور (ویب ڈیسک) وزیر اعلیٰ پنجاب سردار عثمان بزدار نے انگلش ٹیچرز کے لیے تین اضافی انکریمنٹس کی منظوری دے دی ہے۔ فنانس ڈپارٹمنٹ کی جانب سے انکریمنٹس کے لیے نوٹیفکیشن بھی کر دیا گیا۔تفصیلات کے مطابق صوبہ بھر میں انگریزی پڑھانے والے سکول اساتذہ کو پنجاب حکومت نے خوشخبری سنا دی ہے۔ انگلش پڑھانے والے اساتذہ کا دیرینہ مطالبہ پورا ہو گیا۔ اپنی سروس کے دوران بی ایس سی اور ایم ایڈ مکمل کرنے والے اساتذہ کے لیے تین اضافی انکریمنٹس ہوں گے۔ محکمہ خزانہ نے انکریمنٹس کی ادائیگیوں کو یقینی بنانے کے لیے نوٹیفکیشن جاری کرتے ہوئے احکامات پر عمل درآمد کی یقین دہانی کرا دی ہے۔ انکریمنٹس کا مطالبہ پورا کرنے کی منظور وزیر اعلیٰ پنجاب نے دی۔نائب صدر آل ٹیچرز ایسوسی ایشن آصف گوہر کا کہنا ہے کہ اساتذہ کا مطالبہ ماننے اور اس کو پورا کرنے پر سردار عثمان بزدار کے شکر گزار ہیں۔