اسرائیلی فوج نے ایک بیان میں کہا ہے کہ غزہ میں کرنل سمیت 10 فوجی ہلاک ہوگئے ہیں ۔ اس حوالے سے اسرائیلی فوج نے اپنے ایک بیان میں کہا ہے کہ گولانی انفنٹری بریگیڈ کے فارورڈ بیس کی کمانڈ کرنے والے کرنل سمیت اس کے 10 فوجی غزہ کی پٹی میں ہلاک ہوگئے ہیں ۔ ٹائمز آف اسرائیل نے ایک فوجی ذرائع کا حوالہ دیتے ہوئے کہا کہ آٹھ فوجیوں میں سے سات شجائیہ کے غزہ شہر کے پڑوس میں عمارتوں کی تلاشی کے دوران سلسلہ وار دھماکوں میں ہلا ک ہوئے۔ ایک اور بیان میں ، اسرائیلی فوج نے کہا کہ شمالی غزہ میں لڑائی میں ایک فوجی کمانڈر سمیت دو دیگر فوجی مارے گئے۔ خیال رہے کہ اسرائیل 7 اکتوبر سے غزہ کی پٹی پر فضائی اور زمین سے بمباری جاری رکھے ہوئے ہیں ۔ غزہ کے محکمہ صحت کے حکام کے مطابق اس وقت سے اب تک اسرائیلی حملوں میں کم از کم 18,412 فلسطینی شہید جبکہ 50,100 زخمی ہو چکے ہیں۔