ویب ڈیسک:ایرانی صدر ابراہیم رئیسی کے انتقال کے بعد وزیراعظم شہباز شریف نے ایک روزہ قومی سوگ کا اعلان کردیا۔
تفصیلات کے مطابق ایرانی صدر رئیسی اور وزیر خارجہ حسین امیر عبداللہیان کے انتقال پر پاکستان میں یوم سوگ منانے کا اعلان کردیا گیا۔صدر رئیسی اور ان کے ساتھیوں کے احترام اور برادر ایران کے ساتھ اظہار یکجہتی کے طور پر پرچم سرنگوں رہے گا۔
وزیراعظم شہبازشریف
وزیراعظم شہباز شریف نے کہا کہ ایک ماہ سے بھی پہلے پاکستان نے ایرانی صدر ابراہیم رئیسی اور وزیر خارجہ حسین امیر عبداللہیان کی میزبانی کی۔
سماجی رابطے کی ویب سائٹ (ایکس ) پر جاری ایک بیان میں انہوں نے کہا کہ ایرانی صدر کے ہیلی کاپٹر حادثے کے بعد مثبت خبر کا منتظر تھا مگر ایسا نہ ہوا، اس المناک نقصان پر پاکستانی قوم اور حکومت کی جانب سے ایران سے افسوس اور اظہارِ تعزیت کرتا ہوں ۔
وزیراعظم نے کہا کہ اللہ شہادت کا رتبہ پانے والوں کو جنت الفردوس میں مقام عطا کرے، وزیراعظم ایرانی قوم اپنے روایتی جرات سے اس عظیم صدمے کو برداشت کرے گی۔
وزیر اعظم شہباز شریف نے مرحوم ابراہیم رئیسی کے گزشتہ ماہ پاکستانی دورے کو یاد کرتے ہوئے اسے تاریخی قرار دیا۔
.jpg)
صدر آصف علی زرداری
صدر آصف علی زرداری نے ایرانی صدر سید ابراہیم رئیسی کی وفات پر گہرے صدمے کا اظہار کرتے ہوئے کہا کہ عالم اسلام ایک عظیم رہنما سے محروم ہو گیا، ایرانی صدر فلسطینی اور کشمیری عوام سمیت عالمی سطح پر مسلمانوں کے درد کو دل سے محسوس کرتے ، آج پاکستان ایک عظیم دوست کو کھو دینے پر سوگوار ہے۔
صدر مملکت نے ایرانی صدر، وزیر خارجہ اور جاں بحق دیگر افراد کے سوگواران سے تعزیت کا اظہار کیا ، صدر مملکت نے کہا کہ پچھلے ماہ ہمیں پاکستان میں ان کی میزبانی کا اعزاز حاصل ہوا، ہماری گفتگو کے دوران، میں نے انہیں دو طرفہ تعلقات کو مضبوط بنانے کیلئے پرعزم پایا، آغا رئیسی ہمیشہ پاکستان اور اسکے عوام کو خاص مقام دیتے،ان کا انتقال نہ صرف ایران بلکہ پوری امت مسلمہ کے لیے ایک بڑا نقصان ہے۔
ان کاکہنا تھا کہ صدر رئیسی کو علاقائی اور اسلامی ممالک کے ساتھ تعلقات بڑھانے کی کوششوں پر ایران، پاکستان اور عالم اسلام میں یاد رکھا جائے گا، اللہ تعالیٰ ان کی روح کو سکون عطا فرمائے، ناقابل تلافی نقصان کی اس گھڑی میں ان کے اہل خانہ اور ایران کے عوام کو صبر و استقامت عطا فرمائے۔؎
دفترِ خارجہ پاکستان/اظہارافسوس
اسلامی جمہوریہ ایران کے صدر ڈاکٹر سید ابراہیم رئیسی اور اسلامی جمہوریہ ایران کے وزیر خارجہ حسین امیر عبداللہیان کی ہیلی کاپٹر میں شہادت کی المناک خبر پر اسلامی جمہوریہ پاکستان کی حکومت اور عوام کی جا نب سے تعزیت کا اظہار کیا گیا ہے۔
دفترِ خارجہ نے کہا ہے کہ ہماری دعائیں شہداء کے اہل خانہ اور اسلامی جمہوریہ ایران کے عوام کے ساتھ ہیں،سوگ کی اس گھڑی میں ہم اپنے ایرانی بھائیوں کے ساتھ اظہار یکجہتی کرتے ہیں،صدر ڈاکٹر سید ابراہیم رئیسی اور وزیر خارجہ حسین امیر عبداللہیان قابل احترام رہنما تھے ،ان کی پاکستان ایران تعلقات اور علاقائی تعاون کو تقویت دینے کے لیے خدمات کو ہمیشہ یاد رکھا جائے گا۔
دفترِ خارجہ کا مزید کہنا ہے کہ انہوں نے ہمارے دوطرفہ تعلقات کو مستحکم کرنے کے لیے اس اپریل میں پاکستان کا دورہ کیا،اسلامی جمہوریہ پاکستان ایران کے ساتھ دوستی اور تعاون کو آگے بڑھانے کے اپنے عزم کا اعادہ کرتا ہے۔
چئیرمین سینیٹ/اظہارافسوس
چیئرمین سینیٹ سید یوسف رضا گیلانی نے ہیلی کاپٹر حادثے کے نتیجے میں ایرانی صدر ابراہیم رئیسی اور ایرانی وزیر خارجہ حسین امیر عبداللہیان اور ایران کے مشرقی آذربائیجان صوبے کے گورنر مالک رحمتی سمیت دیگر افراد کے جاں بحق ہونے پر گہرے دْکھ اور افسوس کا اظہار کیا ہے۔
چئیرمین سینیٹ سید یوسف رضاگیلانی نے کہا کہ ایرانی صدر کے انتقال کی خبر سن کر دلی دکھ اور افسوس ہوا،ایرانی صدر کا انتقال ایک ناقابل تلافی نقصان ہے، پاکستان کی پارلیمان اورعوام صدر رئیسی کی سیاسی اور سماجی خدمات کو خراج عقیدت پیش کرتی ہے،پاکستان کی پارلیمان اور عوام ہیلی کاپٹر حادثہ کے نتیجے میں جاں بحق ہونے والے تمام افراد کے اہلخانہ کے غم میں برابر کے شریک ہیں۔
چیئرمین سینیٹ نے اللہ تعالیٰ سے مرحومین کے درجات بلندی اور سوگواران کے لیے صبر جمیل کی دعا کی۔
اسپیکرملک محمد احمد خان
اسپیکرملک محمد احمد خان نے ایرانی صدر ابراہیم رئیسی اور ان کے حادثے میں جان بحق ہونے والوں پر تعزیت کا اظہار کرتے ہوئے کہا کہ پاکستان اس مشکل گھڑی میں ایران کے ساتھ کھڑا ہے۔اسپیکر ملک محمد احمد خان نے ایرانی صدر کے انتقال کو نہ صرف ایران بلکہ پوری مسلم امہ کے لیے بڑا نقصان قرار دےدیا۔
ا سپیکرملک محمد احمد خان نے کہاکہ ایرانی صدر ہمیشہ پاکستان اور اس کے عوام کے لیے خاص محبت رکھتے تھے۔پاکستان سمیت اسلامی دنیا نے ایک عظیم رہنما کھو دیا ہے،صدر ابرہیم رئیسی ہمیشہ مسلمانوں کے اتحاد کے حامی رہے ۔
وفاقی وزیرداخلہ محسن نقوی
وفاقی وزیرداخلہ محسن نقوی نے ہیلی کاپٹر حادثے میں ایرانی صدر ابراہیم ریئسی ، وزیر خارجہ اور دیگر ساتھیوں کی شہادت پر گہرے دکھ اور افسوس کا اظہار کیا ہے۔
وفاقی وزیرداخلہ محسن نقوی نے ایک بیان میں کہا کہ ایرانی صدر ابراہیم ریئسی کی شہادت پر دلی رنج اور صدمہ ہوا ہے، ایرانی حکومت اور عوام کے غم میں برابر کے شریک ہیں ، پاکستانی حکومت اور عوام دکھ کے وقت ایران کے ساتھ کھڑے ہیں۔
انہوں نے کہا کہ ایرانی صدر پاکستان کے بہترین دوست تھے ، حالیہ دورہ پاکستان کے دوران ایرانی صدر سے ملاقات یادگار رہی، پاک ایران تعلقات کے حوالے سے ایرانی صدر ابراہیم ریئسی کی خدمات کو ہمیشہ یاد رکھا جائے گا۔
گورنر پنجاب/ اظہار افسوس
گورنر پنجاب سردار سلیم حیدر نے ایرانی صدر کے ہیلی کاپٹر حادثے میں جاں بحق ہونے پر گہرے دکھ کا اظہار کرتے ہوئے کہا کہ ابراہیم رئیسی کی المناک موت کا سن کر دلی دکھ ہوا،ایرانی حکومت اور عوام سے دلی تعزیت کرتے ہیں،دکھ کی اس گھڑی میں ایران کے ساتھ کھڑے ہیں،ایرانی عوام اپنے ایک عظیم لیڈر سے محروم ہو گئی،پاکستان اور ایران برادر اسلامی ملک ہیں، غم میں برابر کے شریک ہیں۔
سردار سلیم حیدر نے کہا کہ ایرانی صدر کا ہیلی کاپٹر حادثے میں جاں بحق ہونا مسلم امہ کے لیے بہت بڑا صدمہ ہے۔ ایرانی صدر کے پاک ایران تعلقات کے حوالے سے کردار کو ہمیشہ یاد رکھا جائے گا۔
پی پی پی چیئرمین بلاول بھٹو زرداری
پی پی پی چیئرمین بلاول بھٹو زرداری نے ہیلی کاپٹر حادثے میں ایرانی صدر اور ان کے رفقاء کی المناک موت پر اظہار افسوس کیا ہے ۔
بلاول بھٹو زرداری نے ایک بیان میں کہا کہ ایرانی صدر ابراہیم رئیسی، وزیر خارجہ حسین امیرعبداللہیان اور انکے رفقاء کے انتقال پر ایران کی عوام سے تعزیت کرتا ہوں، اس افسوسناک واقعے پر ہر پاکستانی غمزدہ ہے اور اپنے ایرانی بہن بھائیون کے غم میں برابر کا شریک ہے۔
ان کاکہنا تھا کہ اسلامی جمہوریہ ایران کی حکومت اور شہریوں سے دلی تعزیت کا اظہار کرتا ہوں۔
وزیر اعلیٰ پنجاب مریم نوازشریف
وزیر اعلیٰ مریم نوازشریف نے ہیلی کاپٹر حادثے میں ایرانی صدرا براہیم رئیسی اور ان کے رفقاء کی شہادت پر اظہار افسوس کیا اور سوگوار خاندانوں اور ایرانی عوام سے اظہار ہمدردی و تعزیت کرتے ہوئے کہا کہ ایرانی صدر ابراہیم رئیسی کی شہادت ایران کیلئے ناقابل تلافی نقصان ہے۔ایران کے عوام کے دکھ میں برابر کے شریک ہیں، پاکستان اور ایران کے تعلقات کے لئے ابراہیم رئیسی کی خدمات کو فرموش نہیں کیا جائے گا۔
وزیر اعلیٰ خیبر پختونخوا سردار علی امین خان گنڈاپور
ایرانی صدر کی فضائی حادثے میں شہادت پر وزیر اعلیٰ خیبر پختونخوا سردار علی امین خان گنڈاپور نے اظہار افسوس کیا اور اسلامی جمہوریہ ایران کے صدر ابراہیم رئیسی اور دیگر کے جاں بحق ہونے پر دلی رنج و غم کا اظہار کیا ہے۔
وزیر اعلیٰ نے مرحوم ابراہیم رئیسی اور ان کے جاں بحق ہونے والے دیگر ساتھیوں کی معفرت کے لئے دعا کرتے ہوئے کہا کہ افسوسناک حادثے میں ایرانی صدر اور ان کے ساتھیوں کے جاں بحق ہونے پر دلی صدمہ ہوا، خیر پختونخوا حکومت سوگوار خاندانوں اور ایرانی عوام کے دکھ میں برابر کی شریک ہے۔
قائد حزب اختلاف قومی اسمبلی عمر ایوب خان
قائد حزب اختلاف قومی اسمبلی عمر ایوب خان نے ایرانی صدر ہیلی کاپٹر حادثہ اظہار افسوس کرتے ہوئے ایران کے عوام سے اظہار تعزیت کیا ہے۔
قائد حزب اختلاف قومی اسمبلی عمر ایوب خان نے ایرانی صدر سید ابرھیم رئیسی کے ہیلی کاپٹر کو پیش آنے والے حادثے کے نتیجے میں سید ابراھیم رئیسی، ایرانی وزیر خارجہ اور ہیلی کاپٹر میں سوار دیگر رفقاء کے جاں بحق ہونے پر گہرے دکھ اور افسوس کا اظہار کیا اور حادثے میں شہید ہونے والے افراد کے درجات کی بلندی کی دعا کی۔
اپوزیشن لیڈر نے کہا کہ صدر ابراہیم رئیسی کے جانے سے پوری مسلمہ کا نقصان ہوا۔امت مسلمہ ایک عظیم اور دلیر لیڈر سے محروم ہو گئی۔صدر ابراہیم رئیسی کے انتقال سے پاکستان ایک مخلص دوست سے محروم ہو گیا ہے،صدر رئیسی خطے کی ترقی اور خوشحالی کے داعی تھے۔مشکل گھڑی میں ایرانی عوام کے ساتھ کھڑے ہیں اور ان دکھ میں برابر کے شریک ہیں۔
عمر ایوب خان نے کہا کہ پاکستان کی عوام سید محمد ابراھیم رئیسی کے انتقال پر غمزدہ ہے،اپوزیشن لیڈر کی اللہ تعالیٰ سے سید محمد ابراہیم رئیسی اور دیگر شہداء کے درجات کی بلندی،ان کے خاندانوں اور ایرانی عوام کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا۔
آصفہ بھٹو زرداری
خاتون اول آصفہ بھٹو زرداری نے ایرانی صدر کے ہیلی کاپٹر حادثے میں جاں بحق ہونے پر اظہار افسوس کرتے ہوئے ایرانی صدر اور دیگر افراد کے سوگواران سے اظہارِ تعزیت کیا اور کہا کہ دکھ کے اس گھڑی میں ہماری دعائیں ان کے اہل خانہ کے ساتھ ہیں۔
وزیراعلیٰ سندھ سید مراد علی شاہ
وزیراعلیٰ سندھ سید مراد علی شاہ نے ایرانی صدر ابراہیم رئیسی کے جاں بحق ہونے پر شدید افسوس اور دکھ کا اظہار کرتے ہوئے کہا کہ ایران کے صدر ابراہیم رئیسی کی جاں بحق ہونے پر بے انتہا دکھ ہوا ہے، ایرانی صدر ابراہیم رئیسی اور انکے ساتھیوں کا ہیلی کاپٹر حادثے میں المناک موت پر اظہارِ افسوس ہے۔
وزیر تعلیم رانا سکندر حیات
وزیر تعلیم رانا سکندر حیات نے ایرانی صدر ابراہیم رئیسی کی شہادت پر اظہار افسوس کرتے ہوئے کہا کہ ابراہیم رئیسی سے گذشتہ دنوں دورہ پاکستان کے موقع پر تعلیمی شراکت داری پر تبادلہ خیال ہوا تھا۔مرحوم ایرانی صدر نے پنجاب کی تعلیمی ترقی کیلئے ہمارے اقدامات کو سراہا تھا۔مرحوم ابراہیم رئیسی کے ساتھ دو طرفہ تعلیمی تجربات کے تبادلے پر بھی اتفاق ہوا تھا۔
وزیر تعلیم نے کہا کہ ابراہیم رئیسی تعلیم کے حوالے سے بھرپور ویژن رکھتے تھے۔ ابراہیم رئیسی کی شہادت کی خبر سے دل انتہائی رنجیدہ ہے۔ایران کے دُکھ میں برابر کا شریک اور مرحوم کیلئے دُعا گو ہوں۔
شیری رحمان
نائب صدر پیپلز پارٹی سینیٹر شیری رحمان نے ایرانی صدر ابراہیم رئیسی اور دیگر کے ہیلی کاپٹر حادثے میں جاں بحق ہونے پر افسوس کا اظہار کرتے ہوئے کہا کہ ایرانی صدر ابراہیم رئیسی، وزیر خارجہ حسین امیر عبداللہیان اور انکے دیگر ساتھیوں کے ہیلی کاپٹر حادثے میں جاں بحق ہونے پر دلی افسوس ہوا ہے،سانحہ اور دکھ کی گھڑی میں ایران حکومت اور عوام کے ساتھ کھڑے ہیں۔
شیری رحمان نے کہا کہ یہ ایک افسوسناک سانحہ ہے،ایرانی صدر ابراہیم رئیسی نے مشکل حالات میں اہم کردار ادا کیا،وہ پاکستان کے بہترین دوست تھے،ہیلی کاپٹر حادثے ان کی شہادت پر پورا پاکستان افسردہ ہے،اللہ تعالی تمام شہدا کے درجات بلند کرے اور سوگوار لواحقین کو صبر و جمیل عطا فرمائے فرمائی، آمین۔
شازیہ مری
پاکستان پیپلزپارٹی کی مرکزی سیکرٹری اطلاعات شازیہ مری ایرانی صدر ابراہیم رئیسی اور دیگر کے ہیلی کاپٹر حادثے میں جاں بحق ہونے پر افسوس کا اظہار کرتے ہوئے کہا کہ افسوس ناک حادثے کا سن کر دلی دکھ اور افسوس ہوا۔ایرانی حکومت اور ایرانی عوام سے دلی تعزیت کرتے ہیں۔دکھ کی اس گھڑی میں شہید ہونے والوں کے اہل خانہ اور ایرانی عوام کے غم میں برابر کے شریک ہیں۔
عبدالعلیم خان
وفاقی وزیر نجکاری و صدر استحکام پاکستان پارٹی عبدالعلیم خان نےایرانی صدر کی ہیلی کاپٹر حادثہ میں وفات پر اظہار افسوس کرتے ہوئے کہا کہ ایرانی صدر ابراہیم رئیسی کی ہیلی کاپٹر حادثہ میں ناگہانی موت پر دل رنجیدہ ہے۔صدر رئیسی اور ان کے ہمراہ وفات پانے والے دیگر افراد کی موت نے عالم اسلام کو سوگوار کر دیا ہے۔بلاشبہ ایران کے لئے یہ حادثہ بڑی افسردگی کا باعث اور ایرانی قوم کےلئے ناقابل تلافی نقصان ہے۔
وفاقی وزیر نے کہا کہ غم کی اس گھڑی میں ایرانی بہن بھائیوں کے دکھ میں برابر کے شریک ہیں۔اللہ تعالیٰ صدر رئیسی، ایرانی وزیر خارجہ اور جان کی بازی ہارنے والے دیگر افراد کے درجات بلند فرمائے۔
ڈاکٹر فردوس عاشق اعوان
استحکام پاکستان پارٹی کی مرکزی سیکرٹری اطلاعات ڈاکٹر فردوس عاشق اعوان کی ایرانی صدر کی موت پر اظہار افسردگی،سابق وفاقی وزیر کا ایرانی صدر، وزیر خارجہ سمیت تمام افراد کی ناگہانی وفات پر تعزیتی پیغام دیتے ہوئے کہا کہ صدر ابراہیم رئیسی روشن خیال اور اعلیٰ فہم کی حامل درویش شخصیت تھے۔
سابق وفاقی وزیر نے کہا کہ ان کی ناگہانی موت عالم اسلام سمیت پورے خطے کے لئے گہرے صدمے کا باعث ہے۔دکھ کی اس گھڑی میں ایرانی بہن بھائیوں کے ساتھ کھڑے ہیں۔اللہ تعالیٰ ہیلی کاپٹر حادثہ میں ہلاک ہونے والوں کو جوار رحمت میں جگہ دے۔
انجینئر امیر مقام
وفاقی وزیر برائے امور کشمیر و گلگت بلتستان و سیفران انجینئر امیر مقام نے ہیلی کاپٹر حادثے میں ایرانی صدر ابراہیم ریئسی اور دیگر ساتھیوں کی شہادت پر گہرے دکھ اور افسوس کا اظہار کیا اور کہا کہ اللہ تعالی ایرانی عوام اور سوگوار خاندانوں کو اس مشکل وقت میں صبر جمیل عطا فرمائے۔پاکستانی حکومت اور عوام مشکل وقت میں ایران کے ساتھ کھڑے ہیں۔ایرانی حکومت اور عوام کے غم میں برابر کے شریک ہیں۔
رمیش سنگھ
صوبائی وزیر اقلیتی امور رمیش سنگھ اروڑہ نے ایرانی صدر ابراہیم رئیسی کے انتقال پر اظہار افسوس کیا ہے اور کہا کہ ہیلی کاپٹر حادثے میں جاں بحق ہونا مسلم امہ کے لیے بہت بڑا صدمہ ہے۔
رمیش سنگھ کا کہنا ہے کہ ایرانی وزیر خارجہ اور دیگر کا بھی ہیلی کاپٹر حادثہ میں شہادت پر افسوس ہے۔ دکھ کی اس گھڑی میں ایرانی حکومت اور عوام کے ساتھ ہیں۔ایرانی صدر نے پچھلے ماہ ہی پاکستان کا یادگار دورہ کیا تھا ۔ایرانی صدر کے پاک ایران تعلقات کے حوالے سے کردار کو ہمیشہ یاد رکھا جائے گا۔
سابق وزیر داخلہ / شیخ رشید احمد
شیخ رشید احمد نے ایرانی صدر ابراہیم رئیسی اور انکے ساتھیوں کی ہیلی کاپٹر حادثے میں وفات پر انتہائی رنج و غم کا اظہار کرتے ہوئے کہا کہ پاکستان کی عوام اس سانحے پر انتہائی افسوس کا اظہار کرتی ہے۔
شیخ رشید نے کہاکہ اللہ تعالی مرنے والوں کے درجات بلند کریں اور انکے اہل خانہ کو صبر و جمیل عطا کرے ۔
صدر مسلم لیگ نون آزاد کشمیر شاہ غلام قادر
صدرمسلم لیگ نون آزاد کشمیر شاہ غلام قادر نے ایرانی صدر کے ہیلی کاپٹر حادثے میں جاں بحق ہونے پر اظہارافسوس کرتے ہوئے ایرانی صدر اور دیگر افراد کے سوگوارا ن سے اظہارتعزیت کیا اور کہا کہ اس المناک وقت میں ہمارے دعائیں ان کے اہل خانہ کے ساتھ ہیں، پاکستان کے عوام غم کی اس گھڑی میں اپنے ایرانی بھائیوں کے ساتھ کھڑے ہیں۔
جنرل سیکرٹری پیپلزپارٹی وسطی پنجاب حسن مرتضیٰ
جنرل سیکرٹری پیپلزپارٹی وسطی پنجاب حسن مرتضیٰ نے اظہار تعزیت کرتے ہوئے کہا کہ آج عالمِ اسلام کے لیے انتہائی رنج و اَلم کا دن ہے۔ایرانی صدر ابراہیم رئیسی کی ہیلی کاپٹر حادثے میں شہادت عالمِ اسلام کے لیے ناقابلِ تلافی نقصان ہے۔دُکھ کی اسِ گھڑی میں پاکستانی قوم اپنے ایرانی بھائیوں کے غم میں برابر کی شریک ہے۔
حسن مرتضیٰ نے کہا کہ ایرانی صدر ابراہیم رئیسی اور وزیر خارجہ حسین امیرعبداللہیان کی شہادت پر ایرانی قوم سے اظہارِ تعزیت کرتے ہیں۔ایران کے صدر ابراہیم رئیسی دنیا اسلام کے عظیم مجاہد اور انقلابی رہنما تھے۔پوری قوم کی ہمدردیاں ایرانی بھائیوں کے ساتھ ہیں۔اللہ تعالٰی مرحومین کی مغفرت فرمائے۔ آمین۔
واضح رہے کہ گزشتہ روز ایرانی صدر ابراہیم رئیسی کو لے جانے والا ہیلی کاپٹر گزشتہ روز آذربائیجان کی سرحد پر ڈیم کی افتتاحی تقریب سے واپس آتے ہوئے موسم کی خرابی کے باعث گر کر تباہ ہو گیا، جس کے نتیجے میں ایرانی صدر، وزیر خارجہ حسین امیر عبد اللہیان و دیگر حکام جاں بحق ہوگئے۔
