اسلام آباد (پبلک نیوز) 30 لاکھ سے زائد صارفین کو بجلی کی مستحکم سپلائی جاری، فیڈرز پر لوڈ کی مانیٹرنگ کے لئے 100 سے زائد گرڈ اسٹیشنز پر جی ایس او سٹاف موجود، شکایت کے اندراج کے لیے نمبر بھی جاری کر دیا گیا۔
ترجمان اسلام آباد الیکٹریسٹی سپلائی کمپنی ( آئیسکو) کا کہنا ہے کہ 30 لاکھ سے زائد صارفین کو بجلی کی مستحکم سپلائی فراہم کی جا رہی ہے۔ فیڈرز پر لوڈ کی مانیٹرنگ کے لئے 100 سے زائد گرڈ اسٹیشنز پر جی ایس او سٹاف موجود ہے۔ بجلی کی شکایات کے فوری ازالے کے لئے تمام کمپلینٹ دفاتر 24 گھنٹے کھلے ہیں۔
جاری کردہ اپنے بیان میں کہا کہ آئیسکو چیف چودھری عبدالرزاق کنٹرول سینٹر سے بجلی کی ترسیل کی براہ راست مانیٹرنگ کر رہے ہیں۔ صارفین بجلی سے متعلقہ شکایات کے اندراج کے لئے ہلپ لائن 118 پر کال کریں۔ کمپلینٹ اینڈ مانیٹرنگ سیل کے نمبرز 9252933.6 پر بھی شکایت کا اندراج کروایا جا سکتا ہے۔