انہوں نے کہا کہ میں نئے کھلاڑیوں کے ٹیم میں جگہ بنانے پر انہیں مبارکباد پیش کرتا ہوں ، کھلاڑی اس ٹارگٹ کے ساتھ کھیلنا شروع کرتے ہیں کہ اعلیٰ سطح پر جائیں ، اس سے بڑھ کر کچھ نہیں ہو سکتا کہ آپ اپنے ملک کی نمائندگی کریں ۔ ان کا مزید کہنا تھا کہ یہ ایک ینگ ٹیم ہے اور میں اس کی قیادت کرنے پر بہت ہی پرجوش ہوں ، ینگ ٹیم میں انرجی ہوتی ہے، کوشش کروں گا کہ یہ انرجی خود بھی لوں، یہ ایک دلچسپ سیریز ہو گی ۔ شاداب نے مداحوں سے اپیل کی کہ ہمیشہ کی طرح پاکستان ٹیم کو سپورٹ کریں،کوشش کریں کہ جس طرح بھی پی ایس ایل کے میچز دلچسپ ہوئے، یہ سیریز بھی اسی طرح کی ہو ۔ خیال رہے کہ پاکستان کرکٹ بورڈ نے پاکستان اور افغانستان کے درمیان تین ٹی ٹوئنٹی میچز کی سیریز کیلئے قومی اسکواڈ کا اعلان کردیا ہے جس میں شاداب خان کو کپتان مقرر کیا گیا ہے ۔Shadab Khan happy and excited to lead the national T20 squad of Pakistan ???????? against Afghanistan#Shadab #cricket
— The Hood (@AsiaThehood) March 14, 2023
via PCB pic.twitter.com/rfDZ7XCAgq
افغانستان سے ٹی ٹوئنٹی سیریز کیلئے قومی ٹیم کا کپتان بنائے جانے پر آل راؤنڈر شاداب خان نے کہا کہ وہ اللہ تعالیٰ کے شکر گزار ہیں ۔ پاکستان کرکٹ بورڈ کی جانب سے شاداب خان کی ایک ویڈیو جاری کی گئی ہے جس میں کپتان کا کہنا ہے کہ مجھے جو بھی ذمہ داری سونپی گئی ہے ، اپنی قابلیت کے مطابق نبھانے کی کوشش کروں گا ۔