اسلام آباد (پبلک نیوز) حکومت نے مذہبی جماعت سے متعلق پالیسی بیان دینے کا فیصلہ کر لیا ہے۔تفصیلات کے مطابق وزیراعظم عمران خان کی زیر صدارت اعلیٰ سطح اجلاس کا انعقاد کیا گیا جس میں وفاقی وزیر داخلہ شیخ رشید، وفاقی وزیر مذہبی امور نورالحق قادری اور وفاقی وزیر اطلاعات فواد چودھری شریک ہوئے۔اجلاس میں ملکی سکیورٹی صورتحال کا جائزہ لیا گیا۔ مذہبی جماعت کی جانب سے احتجاج کے بعد کی صورتحال پر غور کیا گیا اور مذہبی جماعت پر پابندی کے بعد کی صورتحال کا جائزہ لیا گیا۔ اجلاس میں حکومت کی جانب سے مذہبی جماعت سے متعلق پالیسی بیان دینے کا فیصلہ بھی کیا گیا۔