لاہور: پنجاب کے دارالحکومت میں نہ صرف ہوا بلکہ وہاں سے بہنے والا دریا بھی دنیا کا سب سے زیادہ آلودہ پایا گیا ہے جس میں فعال دواؤں کے اجزاء ماحول اور انسانی صحت کیلئے خطرہ ہیں۔ ایک رپورٹ کے مطابق دنیا کے دریاؤں کی دواسازی کی آلودگی سے متعلق امریکہ کی نیشنل اکیڈمی آف سائنسز کی کارروائیوں کے ذریعے یارک یونیورسٹی میں ایک مطالعہ شائع کیا گیا ہےجس کے مطابق دریا میں پیراسیٹامول، نیکوٹین، کیفین اور مرگی اور ذیابیطس کی ادویات سمیت دواسازی کے ذرات شامل ہیں۔ اس مطالعے میں لاہور، بولیویا اور ایتھوپیا میں آبی گزرگاہوں کو سب سے زیادہ آلودہ قرار دیا گیا ہے جبکہ آئس لینڈ، ناروے اور ایمیزون کے جنگلات میں ندیاں سب سے زیادہ آلودہ ہیں۔نیو یارک یونیورسٹی کی جانب سے دنیا کے دریاؤں میں دوا سازی کی آلودگی پر تازہ ترین تحقیق میں بتایا گیا ہے کہ لاہور کا دریائے راوی دنیا میں سب سے زیادہ آلودہ ہے جو ماحول اور انسانی صحت کے لیے خطرہ ہے۔