لاہور: سابق وزیر اعظم عمران خان نے 9 مقدمات میں حفاظتی ضمانت کی درخواستیں لاہور ہائیکورٹ میں دائر کر دیں ۔ پاکستان تحریک انصاف کے چیئرمین عمران خان نے زمان پارک سے لاہور ہائیکورٹ تک سکیورٹی کیلئے بھی درخواست دائر کی ہے ۔ سابق وزیراعظم نے استدعا کی ہے کہ ضمانت کے لئے زمان پارک سے لاہور ہائیکورٹ تک تحفظ دیا جائے اور تمام درخواستوں پر آج ہی سماعت کی جائے ۔ وکیل اظہر صدیق نے رجسٹرار آفس سے درخواستوں کو آج ہی مقرر کرنے کی استدعا کر دی ہے ۔ خیال رہے کہ پاکستان تحریک انصاف کے سربراہ عمران خان نے آج لاہور ہائیکورٹ میں پیش ہونا ہے جس کیلئے حفاظتی ضمانت کی درخواستیں دائر کی گئی ہیں ۔