افغانستان کے دارالحکومت کابل کے مشہور گرودوارہ پروان کے احاطے میں ہفتے کی صبح ایک بڑے حملے کی خبر ہے۔ ابھی تک یہ واضح نہیں ہے کہ حملہ کس نے کیا۔ لیکن خدشہ ظاہر کیا جا رہا ہے کہ یہ حملہ شدت پسند تنظیم آئی ایس آئی ایس نے کیا ہے۔ افغان وزارت داخلہ کے ترجمان کے مطابق گوردوارے پر ممکنہ طور پر کار بم سے حملہ کیا گیا۔ حملے کے بعد آسمان پر دھویں کے بادل اٹھتے دیکھے گئے۔ https://twitter.com/WaliKhan_TK/status/1538045484668964864?s=20&t=vJjpr6QH_YN8y9ctxzYAsg ساتھ ہی اس گوردوارے کے صدر گرنام سنگھ نے خبر رساں ایجنسی روئٹرز کو بتایا ہے کہ گردوارے کے احاطے میں تقریباً 30 افراد پھنسے ہوئے ہیں۔ تاہم ابھی تک ہلاکتوں کی صحیح تعداد موصول نہیں ہو سکی ہے۔ گرنام سنگھ نے یہ بھی بتایا ہے کہ طالبان حکومت کسی کو بھی احاطے میں جانے کی اجازت نہیں دے رہی ہے۔ https://twitter.com/ZionWarrior6/status/1538044295227314178?s=20&t=vJjpr6QH_YN8y9ctxzYAsg سوشل میڈیا پر گردش کرنے والی خبروں میں یہ دعویٰ کیا جا رہا ہے کہ احاطے میں یرغمال بنائے گئے لوگ گرودوارے کی دوسری منزل پر ہیں۔ بھارتی وزارت خارجہ کے ترجمان ارندم باغچی نے اس حملے کے بارے میں کہا ہے کہ بھارت کو اس گرودوارہ پر ہونے والے حملے پر گہری تشویش ہے۔ ان کے مطابق بھارت اس صورتحال پر نظر رکھے ہوئے ہے اور معلومات حاصل کرنے کا انتظار کر رہا ہے۔ https://twitter.com/divya5521/status/1538047954182778880?s=20&t=vJjpr6QH_YN8y9ctxzYAsg