ویب ڈیسک: انٹرنیشنل کرکٹ کونسل نے اپنے ٹویٹر اکاونٹ سے ایک تصویر شیئر کی ہے جس میں بین الاقوامی سٹار پلیئر کو جسٹس لیگ سائنڈر کٹ کے کرداروں میں ڈھالا گیا ہے۔
آئی سی سی نے سائنڈر کٹ کے ہیش ٹیگ کو استمال کرتے ہوئے ٹائٹل میں 'یونائٹ دی لیگ' لکھا۔ آئی سی سی کے جسٹس لیگ ورژن میں عالمی شہرت یافتہ 6 کرکٹرز کو مختلف کرداروں میں ڈھالا گیا ہے۔
اس تصویر میں جگہ بنانے میں پاکستان کرکٹ ٹیم کے کپتان بابر اعظم بھی کامیاب ہو گئے ہیں۔ جبکہ ان کے ساتھ بھارتی کرکٹ ٹیم کے کپتان ویرات کوہلی بھی جسٹس لیگ میں شامل ہیں۔ اس کے علاوہ اس میں نیوزی لینڈ کے کپتان کین ولیمسن، انگلش آل راونڈر بین سٹروک، ویسٹ انڈین کھلاڑی کیرن پولارڈ اور آسٹریلوی خاتون کرکٹر ایلیزے پیری شامل ہیں۔
Unite the League ????#SnyderCut pic.twitter.com/kNPI8simBg
— ICC (@ICC) March 18, 2021
تصویر میں مداحواں نے بابر اعظم کو دی فلیش جبکہ ویرات کوہلی کو ایکوا مین کے کردار میں دیکھ کر خوشگوار حیرت کا اظہار کیا۔ تصویر میں بین سٹروک کو بیٹ مین کے کردار میں دکھایا گیا جبکہ ایلیزے پیری کو ونڈر وومن کا کردار دیا گیا اور کین ولیمسن کو سپرمین کے کردار میں دکھایا گیا ہے۔
یاد رہے کہ جسٹس لیگ سائنڈر کٹ آج ایچ بی او میکس کے تعاون سے دنیا بھر میں ریلیز کی جا رہی ہے۔