اسلام آباد (پبلک نیوز) کشمیر پریمیئر لیگ ( کے پی ایل) میں عدم دلچسپی پر وزیراعظم عمران خان پاکستان کرکٹ بورڈ ( پی سی بی) کے چیئرمین احسان مانی کی کارکردگی سے نہ خوش، وزیراعظم کا احسان مانی کو توسیع نہ دینے پر غور۔ ذرائع وزیراعظم ہاؤس کے مطابق کشمیر لیگ میں سینٹرل کنٹریکٹ پلیئرز کو اجازت نہ دینے پر وزیر اعظم نہ خوش ہیں۔ بھارت عالمی سطح پر کھل کر سازشیں کرتا رہا اور چیئرمین پی سی بی غائب رہے۔ خیال رہے کہ احسان مانی کی مدت ملازمت 28 اگست کو ختم ہو رہی ہے۔ عمران خان کی سابق کپتان رمیز راجہ کو چیئرمین بنانے پر قریبی رفقاء سے مشاورت جاری ہے۔ تین سالہ کنٹریکٹ کے اختتام پر احسان مانی کی الوداعی ملاقاتیں شروع ہو گئیں۔ پی سی بی کی جانب سے دی جانے والی مراعات بھی واپس کر دیں۔ وزیر اعظم عمران خان سے الوداعی ملاقات کا وقت مانگ لیا۔ گزشتہ ہفتے بھی ملاقات ہوئی جس میں موجودہ کرکٹ بورڈ کی کارکردگی پر وزیر اعظم نے رپورٹ طلب کی۔