اسلام آباد ہائیکورٹ نے جیل ٹرائل کے خلاف انٹرا کورٹ اپیل پر فیصلہ جاری کردیا۔ اسلام آباد ہائیکورٹ کی جانب سے سائفر کیس جیل ٹرائل کے خلاف انٹرا کورٹ اپیل پر محفوظ فیصلہ سنا دیا گیا۔ عدالت نے 29 اگست کے جیل ٹرائل کا نوٹیفکیشن غیر قانونی قرار دے دیا۔ عدالت نے فیصلے میں کہا ہے کہ غیر معمولی حالات میں ٹرائل جیل میں کیا جاسکتا ہے، قانون کے مطابق جیل ٹرائل ان کیمرہ یا اوپن ہوسکتا ہے۔ عدالت نے سائفر کیس میں جیل ٹرائل کا 29 اگست کو نوٹیفکیشن کالعدم قرار دیتے ہوئے کہا کہ 13 نومبر کو کابینہ منظوری کے بعد جیل ٹرائل کا نوٹیفکیشن کا ماضی پر اطلاق نہیں ہوگا ۔ اسلام آباد ہائیکورٹ نے چیئرمین پی ٹی آئی کی انٹرا کورٹ اپیل منظور کرلی۔