ویب ڈیسک :( دانش منیر)پنجاب حکومت کا صوبے بھر کی یونین کونسلز کی تشکیل نو کا فیصلہ،اب پنجاب بھر کی یونین کونسلز 15 ہزار کی بجائے 20 ہزار نفوس پر مشتمل ہونگی۔
رپورٹ کے مطابق پنجاب حکومت نے نئے لوکل گورنمنٹ ایکٹ کا مسودہ تیار کر لیا۔سیکرٹری بلدیات پنجاب میاں شکیل کی جانب سے نئے لوکل گورنمنٹ ایکٹ کا مسودہ آج الیکشن کمیشن میں جمع کروایا جائے گا۔
ذرائع کا کہنا ہے کہ مجوزہ ایکٹ کے تحت پنجاب میں 455لوکل گورنمنٹس بنائی جائیں گی۔ الیکشن کمیشن نے پنجاب حکومت سے بلدیاتی انتخابات سے متعلق جواب طلب کررکھا ہے۔
الیکشن کمیشن نے پنجاب حکومت کو بلدیاتی انتخابات کروانے سے متعلق ہدایات بھی جاری کررکھی ہیں۔
وزیر اعلی پنجاب مریم نواز کی سربراہی میں صوبائی کابینہ نے لوکل گورنمنٹ ایکٹ سے متعلق کمیٹی قائم کی ہے۔