شیعب اختر کی اپنی زندگی پر فلم بنائے جانے کی تصدیق

لاہور: (ویب ڈیسک) سابق فاسٹ بولر شعیب اختر نے اپنی زندگی پر فلم 'راولپنڈی ایکسپریس' بنائے جانے کی تصدیق کی ہے۔ پاکستان کے معروف سابق فاسٹ بولر شعیب اختر نے فلم کی جھلک سماجی رابطے کی ویب سائٹ ٹوئٹر پر شیئر کی ہے. پوسٹ میں شعیب اختر نے بتایا ہے کہ ان کی زندگی پر فلم بنائی جارہی ہے جس میں وہ حقائق بھی دکھائے جائیں گے جو اب تک کسی کے سامنے نہیں آسکے۔انہوں نے کہا کہ ان کی فلم کیو فلم پروڈکشن تیار کر رہا ہے اور اس کی ڈائریکشن ایم فراز قیصر دے رہے ہیں۔

Beginning of this beautiful journey. Announcing the launch of my story, my life, my Biopic,
"RAWALPINDI EXPRESS - Running against the odds"
You're in for a ride you've never taken before. First foreign film about a Pakistani Sportsman.

Controversially yours,
Shoaib Akhtar pic.twitter.com/3tIgBLvTZn

— Shoaib Akhtar (@shoaib100mph) July 24, 2022

شعیب اختر نے اپنی پوسٹ میں بتایا کہ یہ فلم پاکستان کے کسی بھی کرکٹر پر بنائی جانے والی پہلی عالمی فلم ہوگی۔ خیال رہے کہ شعیب اختر راولپنڈی ایکسپریس کے نام سے مشہور ہیں اور نہوں نے دسمبر 1997 میں ویسٹ انڈیز کے خلاف اپنے کیرئیر کا آغاز کیا تھا۔