اسلام آباد: آئی ایم ایف کے بعد عالمی بینک نے بھی پاکستان کو 60 کروڑ ڈالر قرض کی مد میں جاری کرنے کی مںظوری دے دی ہے۔
دی ورلڈ بینک کی جانب سے جاری کردہ اعلامیہ میں کہا گیا ہے کہ پاکستان کے لیے 60 کروڑ ڈالر قرض کی منظوری دی گئی ہے جو احساس پروگرام کے لیے ہوں گے۔ احساس پروگرام کے تحت یہ رقم غربت کو کم کرنے کے لیے استعمال میں لائی جائے گی۔ وسیلہ تعلیم پروگرام اور نشوونما پروگرام کے لیے بھی اس رقم کو استعمال کیا جا سکے گا۔
یاد رہے کہ گزشتہ روز انٹرنیشنل مونیٹیری فنڈ ( آئی ایم ایف) کی جانب سے بھی پاکستان کو 50 کروڑ ڈالر کی رقم قرض کی مد میں جاری کرنے کی منظوری دی گئی تھی۔