راولپنڈی : پاکستان نے جدید ترین نیویگیشن سسٹم سے لیس فتح 2 میزائل کا کامیاب تجریہ کرلیا۔ پاک فوج کے شعبہ تعلقات عامہ ( آئی ایس پی آر) کی جانب سے جاری بیان کے مطابق فلائٹ ٹیسٹ جدید ترین ایویونکس، جدید ترین نیویگیشن سسٹم اور منفرد پرواز کی رفتار سے لیس ہے۔ ترجمان پاک فوج نے بتایا کہ ہتھیاروں کا نظام 400 کلومیٹر کی حد تک انتہائی درستگی کے ساتھ اہداف کو نشانہ بنانے کی صلاحیت رکھتا ہے، فلائٹ ٹیسٹ کو ٹرائی سروسز کے سینئر افسران اور سرشار سائنسدانوں اور انجینئرز نے معائنہ کیا۔ آئی ایس پی آر نے کہا ہے کہ صدر، وزیراعظم پاکستان، چیئرمین جوائنٹ چیفس آف سٹاف کمیٹی اور چیف آف آرمی سٹاف نے فلائٹ ٹیسٹ کے کامیاب انعقاد پر حصہ لینے والے فوجیوں اور سائنسدانوں کو مبارکباد پیش کی۔