اسلام آباد ( پبلک نیوز) حکومت نے مظاہرین کے ساتھ سختی سے نمٹنے کا فیصلہ کر لیا۔ مظاہرین کو جہلم سے آگے کسی صورت نہیں جانے دیا جائے گا۔ وزیراعظم کی زیرصدارت وفاقی کابینہ کا اجلاس ہوا۔ وزیر داخلہ کی سربراہی میں وزراء کی کمیٹی کالعدم ٹی ایل پی سے مذاکرات کے حوالے سے بریفنگ دی۔ پشاور جی ٹی روڈ کو بھی بند کیا جائے گا۔ رینجرز تعینات کر دی گئی، مظاہرین کو جی ٹی روڈ پر ہی روکا جائے گا۔ شیخ رشید نے کابینہ کو کالعدم تنظیم کے ساتھ موجودہ ڈیڈ لاک سے آگاہ کیا۔ کابینہ کو معاملہ سے متعلق قانونی امور سے بھی آگاہ کیا گیا۔ فیصلہ ہوا کہ ہر صورت ریاست کی رٹ قائم کی جائے گی۔