کراچی ( پبلک نیوز) پی ڈی ایم جلسے میں خواتین کارکنان کو شرکت سےروک دیا گیا۔ جلسے میں کسی جماعت کی خواتین کارکنان شریک نہیں ہونگی۔ علامہ راشد سومرو نے کہا ہے کہ پی ڈی ایم انتظامی کمیٹی نےخواتین کو جلسے میں مدعو نہ کرنے کا فیصلہ کیا تھا۔ کورونا وائرس اور مجموعی ملکی صورت حال کے سبب خواتین کو شرکت سےروکا گیا۔ خواتین کی سیاست میں شرکت کے مخالف نہیں۔ ان کا کہنا تھا کہ کل کے جلسے میں لاکھوں افرا دشریک ہونگے۔ خواتین کو صرف کل کے جلسے می شرکت سے روکا گیا۔ ممکنہ بدانتظامی سے بچنے کے لئے فیصلہ کیا گیا۔