ویب ڈیسک : چین اور امریکہ کے درمیان پانڈا ڈپلومیسی کا آغاز۔ ۔۔ چین نے امریکہ کی طرف دوستی کا ہاتھ بڑھا دیا ۔ چین نے دو دہائی بعد پہلی مرتبہ امریکا کو دو بڑے ’پانڈے‘ یُن چوان اور شِن باؤ بطور تحفہ پیش کیا ہے۔
چینی سرکاری میڈیا کے مطابق دو بڑے پانڈوں کو چین سے کیلیفورنیا کے لیے روانہ کر دیا گیا ہے۔ انھیں چائنا وائلڈ لائف کنزرویشن ایسو سی ایشن (سی ڈبلیو سی اے) کے بفنگ کسیا بیس سے ایک چارٹرڈ طیارہ سے اپنے نئے گھر سین ڈیاگو چڑیا گھر کے لیے روانہ کیا گیا۔
فروری ماہ سی ڈبلیو سی اے اور سین ڈیاگو چڑیا گھر کے درمیان ایک معاہدہ پر دستخط ہو ئے، جس کے بعد چین نے اب یہ دوستی کا ہاتھ بڑھایا ہے۔
سین ڈیاگو کی میئر ٹاڈ گلوریا نے ایک ٹوئٹ کیا ہے جس میں لکھا ہے کہ ’’یہ ایک تاریخی تحفظ سے متعلق شراکت داری ہے جو ان شاندار جانوروں اور ان کی رہائش کی حفاظت کرنے میں مدد کرے گی۔‘‘ گلوریا کا کہنا ہے کہ یہ (پانڈا) ملک کے لیے ایک طرح کی علامت ہے۔ انھیں چین کی ثقافتی اور قومی شناخت کی شکل میں قبول کیا جاتا ہے۔
I’m honored to have been invited to join in the farewell ceremonies in China for Yun Chuan and Xin Bao — the giant pandas coming to our @sandiegozoo!
— San Diego Mayor Todd Gloria (@MayorToddGloria) June 26, 2024
This is a historic conservation partnership that will help protect these magnificent creatures and their habitat. pic.twitter.com/p76ZJjNPJP
واضح رہے کہ حال ہی میں سین ڈیاگو چڑیا گھر وائلڈ لائف الائنس کی ٹیم کے لیڈران نے دونوں پانڈوں سے ملنے کے لیے چین کا سفر کیا تھا۔ یُن چوان تقریباً 5 سال کا نر پانڈا ہے جس کی ماں کی پیدائش 2007 میں سین ڈیاگو چڑیا گھر میں ہوئی تھی۔ دوسری طرف شِن باؤ 4 سال کی مادہ پانڈا ہے، جس کی پیدائش سچوان علاقہ کے وولونگ شین شوپنگ پانڈا بیس میں ہوئی تھی۔
Two giant pandas have left China and embarked on their journey to their new home at the San Diego Zoo in the United States. pic.twitter.com/D2BzUckX8X
— KABClub (@club_kab) June 26, 2024
اس درمیان سی سی آر سی جی پی کے ڈپٹی ڈائریکٹر لی دیسینگ نے چائنا شنہوا نیوز کو بتایا کہ یُن چوان اور شِن باؤ چین و متحدہ ریاست امریکہ کے درمیان تعلقات کو مضبوط کریں گے۔
سین ڈیاگو چڑیا گھر وائلڈ لائف الائنس کے سی ای او پال بیریبالٹ نے کہا کہ ہم نے دونوں پانڈوں کے رہنے کی جگہ کا دورہ کیا ہے اور ان کے لیے سبھی طرح کے کھانے کا انتظام بھی کیا ہے۔ اس سے وہ گھر جیسا محسوس کریں گے اور انھیں نئی جگہ پر کسی طرح کی دقت کا سامنا نہیں ہوگا۔