کابل ایئرپورٹ پر راکٹ حملہ 2 افراد ہلاک،3زخمی

پبلک نیوز : کابل ایئرپورٹ کےقریب دھماکہ سنا گیا، ایئرپورٹ پر راکٹ سے حملہ کیا گیا۔ راکٹ حملے میں 2 افراد جاں بحق،3 زخمی افغان میڈیا کے مطابق کابل ایئر پورٹ پر پھینکا گیا راکٹ ایک گھر پر گرا۔ راکٹ حملے میں 2 افراد جاں بحق اور3 زخمی ہو گئے۔ جس مقام پر دھماکہ ہوا وہاں سے دھواں اٹھتا نظر آرہا ہے اور اس حوالے سے سوشل میڈیا پر متعدد ویڈیوز بھی گردش کررہی ہیں لیکن ان کی مصدقہ ذرائع سے تصدیق نہیں ہوسکی۔

New explosion in #Kabul said to be at or near the airport pic.twitter.com/BfGRS8hmc5

— Olivier Fehr Media (@OFehrMedia) August 29, 2021

JUST IN - Explosion rocks #Kabul. The blast hit a residential building west of the airport. Cause unclear.pic.twitter.com/vzh7T651KM

— Disclose.tv (@disclosetv) August 29, 2021

اس سے قبل ایک بیان میں امریکی صدر جوبائیڈن نے کہا کہ ایک بریفنگ میں امریکی ملٹری کمانڈر ز نے یہ خدشہ ظاہر کیا ہے کہ کابل ایئر پورٹ پر ہونے والا یہ حملہ آخری نہیں ہے بلکہ اور بھی حملے ہو سکتے ہیں اس لئے انخلا کے عمل کو فوری طور پر مکمل کرنا ہو گا، افغانستان میں زمینی صورتحال امریکیوں کیلئے انتہائی خطرناک ہوتی جا رہی ہے۔ واضح رہے کہ کابل ایئرپورٹ کے باہر 3دھماکے ہوئے تھے جس میں بچوں اور خواتین سمیت درجنوں افراد ہلاکتیں ہوئیں۔زخمی ہونے والوں کی تعداد 140 بتائی گئی تھی. خیال رہے کہ فروری 2020 کے بعد افغانستان میں امریکی فوجیوں کی ہلاکت کوئی واقعہ پیش نہیں آیا تھا۔