ترکی کے جنگلات میں لگنے والی آگ ٹوئٹر تک جا پہنچی

انقرہ (ویب ڈیسک) ترکی میں لگنے والی آگ کی چنگاریاں ٹوئٹر کی ٹرینڈنگ لسٹ تک جا پہنچیں۔ جنگلات میں لگنے والی اس آگ نے 3 افراد کی جان لے لی ہے جبکہ 140 سے زائد افراد زخمی بھی ہو چکے ہیں۔ متاثرہ علاقوں سے لوگوں کا نکالنے کا عمل بھی جاری ہے۔ سماجی رابطوں کی ویب سائٹ ٹوئٹر پر اس وقت Prayers For Turkey ٹرینڈ کر رہا ہے۔ اس ٹرینڈ کے پیچھے ترکی کے جنگلات میں بھڑکنے والی آگ ہے۔ اس حوالے سے وزیر مواصلات فخر الدین آلتن کا کہنا ہے کہ آگ کی لپیٹ میں آنے 63 میں سے 43 مقامات پر قابو پانے کامیاب ہو گئے ہیں۔

Pakistan shares our condolences and support to the government of Turkey and to our Turkish brothers and sisters over the loss of lives and property as a result of deadly forest fires. @MevlutCavusoglu

— Shah Mahmood Qureshi (@SMQureshiPTI) July 30, 2021

انھوں نے کہا ہے کہ 21 اضلاع میں لگنے والی آگ کو بجھانے کے لیے 4 ہزار افراد پر مشتمل عملہ سیکڑوں گاڑیوں اور متعلقہ سازوسامان کے ساتھ آگ بجھانے کے لیے مصروف عمل ہیں جبکہ متعلقہ ادارے اور تنظیمیں آگ بجھانے کا کام نہایت احتیاط کے ساتھ جاری رکھے ہوئے ہیں۔ خیال رہے کہ ترکی کے جنوبی علاقوں کے جنگلات میں لگنے والی آگ 75 کلومیٹر فی گھنٹہ کی رفتار سے چلنے والی ہواؤں باعث پھیلتی جا رہی ہے۔ اس حوالے سے پاکستان کے وزیر خارجہ شاہ محمود قریشی نے تشویش کا اظہار کیا اور دعائیہ ٹویٹ بھی کی۔