کراچی(پبلک نیوز) ترجمان رینجرز کے مطابق رینجرز کی پولیس کے ہمراہ نیو کراچی میں مشترکہ کارروائی کے دوران بھتہ خوری میں ملوث ملزم زبیر احمد عرف تاج محمد کو گرفتار کر لیا گیا ہے۔
ترجمان کے مطابق ملزم نے مقامی تاجر سے پانچ لاکھ روپے بھتہ طلب کیا، نہ دینے پر جان سے مارنے اور بیٹے کے اغوا کی دھمکی دی تھی۔ انٹیلی جنس معلومات کی بنیاد پر کارروائی کرتے ہوئے ملزم کو گرفتار کر لیا گیا۔ ملزم کو مزید قانونی کارروائی کے لیئے پولیس کے حوالے کر دیا گیا ہے۔