چاہت فتح علی کے بعد ملک کو ایک اور ہیرا مل گیا

پاکستان کرکٹ ٹیم کے فاسٹ بولر شاہنواز دھانی نے کرکٹ کے بعد اب گلوگاری کے میدان میں بھی ایک بار پھر سے قدم رکھ دیا ہے۔ گذشتہ دنوں قومی ٹیم کے فاسٹ بولر حسن علی نے سوشل میڈیا پر ویڈیو پوسٹ کی جس میں دھانی کو ایک تقریب کے دوران مائیک اٹھائے گانا گاتے ہوئے دیکھا گیا ہے۔ حسن علی ویڈیو کے کیپشن میں لکھتے ہیں کہ' ہمارے درمیان ایک نیا گلوگار شاہنواز دھانی'۔ویڈیو میں دھانی 1990 میں ریلیز ہونے والی بالی وڈ فلم جرم کا مشہور گانا'جب کوئی بات بگڑ جائے' گانے کی کوشش کررہے ہیں۔ دھانی اپنے موبائل میں گانے کے بول دیکھ کر گا رہے ہیں جبکہ ان کے پیچھے بینڈ بھی موجود ہے۔

New Singer ???? in the house @ShahnawazDahani pic.twitter.com/DCHuyr5lBq

— Hassan Ali ???????? (@RealHa55an) August 2, 2023

سوشل میڈیا پر دھانی کی گانا گانے کی ویڈیو وائرل ہوگئی جس پر صارفین نے مزے مزے کے تبصرے شروع کر دیے۔اکثر صارفین کو دھانی کا گانا کچھ خاص پسند نہ آیا۔ ایک صارف نے لکھا کہ' مہربانی کرکے کوئی دھانی سے مائیک لے لو '، جبکہ دوسرے صارف نے کہا کہ 'چاہت علی خان کے بعد پاکستان کو ایک اور ہیرا مل گیا'۔ واضح رہے کہ برطانوی پاکستانی چاہت فتح علی خان جو حال ہی میں اپنے گانے کی ویڈیوز کے لیے سوشل میڈیا پر وائرل ہوئے، وہ اپنے منفرد انداز میں گانے کی وجہ سے اکثر میڈیا کی توجہ کا مرکز بنے رہتے ہیں۔ ان کے کئی تفریحی گانے کی ویڈیوز نے سوشل میڈیا پر لاکھوں لوگوں کو اپنی طرف متوجہ کیا تھا۔

Chahat Fateh Ali Khan's
Dum Mast Kalandar
( released ) pic.twitter.com/iVg5eSfPOs

— Chahat Fateh Ali Khan (@chahat_fateh) February 23, 2023

یہ پہلا موقع نہہں کہ دھانی نے گانے کی کوشش کی ہو، گزشتہ دنوں شاہنواز دھانی زمبابوے میں بچوں کےساتھ گھل مل گئے تھے جب کہ مقامی زبان میں گانا گایا بھی تھا جس کی ویڈیو سوشل میڈیا پر وائرل ہوگئی تھی۔ اس کے علاوہ دھانی اور فاسٹ بولر نسیم شاہ کی بھی ایک ویڈیو وائرل ہوئی تھی جس میں انہیں سندھی گانا گاتے دیکھا گیا تھا۔