پبلک نیوز: آئی سی سی پول میں بابراعظم نے ویرات کوہلی کو ہرا دیا ہے۔ کرکٹ شائقین نے بھارت کے ویرات کوہلی کے بجائے پاکستان کے بابر اعظم کو جیت کا حق دار قرار دے دیا۔
تفصیلات کے مطابق انٹرنیشنل کرکٹ کونسل ( آئی سی سی) کی جانب سے بہترین چار کھلاڑیوں کے نام دیئے گئے تھے۔ سماجی رابطوں کی ویب سائٹ ٹوئٹر پر ووٹنگ میں بابر اعظم اور ویرات کوہل کے علاوہ کین ولین سن اور جوروٹ بھی شامل تھے۔
Who get's your vote?
— ICC (@ICC) February 3, 2021
Reply with your answer if you have another player in mind ????
متعین کردہ خصوصی وقت کے بعد حتمی نتائج سامنے آئے۔ ان سامنے آنے والے نتائج کے مطابق پاکستان کے فخر بابر اعظم کو سب سے زیادہ 46 فیصد ووٹوں کی شکل میں فینز کی محبتیں ملی جبکہ ویرات کوہلی کو 45 اعشاریہ 9 فیصد ووٹ ملے۔
واضح رہے کہ متعین کردہ وقت کے دوران ووٹنگ میں دنیا بھر سے 2 لاکھ 60 ہزار سے زائد افراد نے حصہ لیا۔ کامیابی کے ساتھ ہی بابر اعظم کے نام سے ٹویئٹر پر ٹاپ ٹرینڈ بن گیا۔