لاہور کی احتساب عدالت نے شہبازشریف فیملی کے خلاف منی لانڈرنگ ریفرنس میں وزیراعظم شہبازشریف کو حاضری سے مستقل استثنی دے دیا ہے۔ تفصلات کے مطابق لاہورکی احتساب عدالت کے جج قمر الزماں نے منی لانڈرنگ ریفرنس پر سماعت کی جس میں وزیراعظم شہباز شریف کی کیس میں مستقل حاضری معافی کی درخواست پر بھی سماعت ہوئی۔ عدالت نے شہباز شریف کی مستقل حاضری معافی کی درخواست کو منظور کرلیا ہے اور شہباز شریف کو عدالت میں پیشی کے لیے نمائندہ مقرر کرنے کی اجازت بھی دے دی ہے۔ عدالت نے حمزہ شہباز کی مستقل حاضری معافی کی درخواست پر نیب سے جواب طلب کرلیا ہے اور ان کی ایک روزہ حاضری معافی کی درخواست منظور کرلی ہے۔