انہوں نے کہا کہ میں ایک بات کہنا چاہوں گا کہ میں نے پاکستان کے لئے بولر کے طور پر کھیلا جس پر مجھے فخر ہے لیکن یہ سرجری کروانی پڑے گی اور مجھے مکمل صحتیاب ہونے اور درد ختم ہونے میں دو سے تین ہفتے درکار ہوں گے۔ شعیب اختر نے تمام مداحوں سے خصوصی طور پر دعاؤں کی درخواست کی ہے۔ واضح رہے کہ شعیب اختر کے گھٹنوں کے ٹشوز اور ہڈیاں متاثر ہوئی ہیں جس کے بارے میں وہ اپنے سوشل میڈیا اکاؤنٹ پر بتاتے رہے ہیں۔Surgery time need lots of prayers !! pic.twitter.com/wsy1btkZeN
— Shoaib Akhtar (@shoaib100mph) August 6, 2022
پاکستان کرکٹ ٹیم کے سابق سپیڈ اسٹار شعیب اختر کو گُھٹنے کے آپریشن کے لئے آسٹریلیا کے ایک ہسپتال میں داخل کر لیا گیا ہے۔ شعیب اختر نے ہسپتال کے بیڈ سے ایک ویڈیو اپنے سوشل میڈیا اکاؤنٹس پر شیئر کی اور آگاہ کیا کہ ان کا 8 گھنٹے طویل آپریشن ہوگا جس کے لئے انہیں دعاؤں کی سخت ضرورت ہے۔ سابق کرکٹر کا کہنا تھا کہ مجھے امید ہے یہ میری آخری سرجری ہوگی۔ اس سے قبل میرے گھٹنے کے پانچ آپریشن ہو چکے ہیں۔