ویب ڈیسک: کراچی کے علاقے لیاقت آباد میں بے لگام ڈاکوؤں نے انوکھی واردات کرتے ہوئے شہر کے مشہور گولا کباب والوں کا قیمہ گن پوائنٹ پر چھین لیا۔
تفصیلات کے مطابق شہر میں ڈاکوؤں نے موبائل فون، موٹر سائیکل، رقم اور دیگر اشیا چھیننے کے ساتھ ساتھ انوکھی واردات بھی کر ڈالی۔ڈاکوؤں نے شہر کے مشہور گولا کباب والوں کا قیمہ گن پوائنٹ پر چھین لیا۔
لیاقت آباد میں ہونے والی یہ انوکھی واردات گزشتہ شام ہوئی، موٹر سائیکل سوار دو مسلح ملزمان نے اسلحے کے زور پر ملازم سے 10 کلو قیمہ چھینا اور فرار ہو گئے۔
شہری نے اپنے ویڈیو بیان میں بتایا کہ جیسے ہی ملزمان میرے پاس آئے، میں سمجھا موبائل فون اور کیش چھیننے آئے ہیں، لیکن ملزمان وہ قیمے کی تھیلی چھین کر لے گئے۔
شہری نے کہا کہ شہر میں ڈاکوؤں نے موبائل فون اور کیش چھیننے کے ساتھ ساتھ اب گوشت کا قیمہ بھی چھیننا شروع کر دیا ہے۔