ہیلی کاپٹر حادثہ: صدر مملکت کی شہیدا کے اہلخانہ سے تعزیت

صدر مملکت ڈاکٹر عارف علوی نے بلوچستان ہیلی کاپٹر حادثہ میں شہید ہونے والے پاک فوج کے افسران اور جوانوں کے اہلخانہ سے بذریعہ ٹیلی فون تعزیت کی اور شہداء کو عظیم قربانی پر خراج عقیدت پیش کیا۔ صدر مملکت نے اپنے ٹویٹس میں کہا کہ انہوں نے لیفٹیننٹ جنرل سرفراز علی شہید کے بیٹے کیپٹن احمد علی سے بات کی اور اہل خانہ سے بھی تعزیت کی۔ انہوں نے ایک ایماندار بہادر افسر اور ایک لیڈر کے طور پر شہید کو خراج عقیدت پیش کیا جن سے ان کی ملاقاتیں رہی ہیں، ان کا کہنا تھا کہ انہی قربانیوں کی بدولت آج پاکستان مضبوط ہے۔

President talked to Saad the young son of Brig Khalid Shaheed & conveyed his condolences. Asked him to thank his mother, grandmother & family for the ultimate sacrifice his brave father had given. Of course such incidents bring tears to our eyes & pride in brave sons of Pakistan. pic.twitter.com/DTgYI68RZg

— The President of Pakistan (@PresOfPakistan) August 5, 2022

ڈاکٹر عارف علوی نے بریگیڈیئر (میجر جنرل) امجد حنیف شہید کے بھائی میجر اسد کو بھی فون کیا اور اہل خانہ سے اظہار تعزیت کیا انہوں نے کہا کہ انہیں بریگیڈیئر شہید پر فخر ہے۔ یہ سب راہ حق کے شہید ہیں اور ان ہی کی قربانیوں کی وجہ سے ہمارا ملک مضبوط ہے اور تا قیامت رہے گا۔ انہوں نے بریگیڈیئر خالد شہید کے بیٹے سعد سے بھی تعزیت کی یات چیت کے دوران ان کا کہنا تھا کہ وہ اپنی ماں، دادی اور خاندان کا شکریہ ادا کریں، ان کے بہادر والد نے عظیم قربانی دی ہے۔ ہم پاکستان کے بہادر بیٹوں پر فخر کرتے ہیں۔

President called Maj Asad brother of Brig (Maj Gen to be) Amjad Hanif Shaheed & expressed his condolences to family. President said he was proud of Brig Sb
یہ سب راہ حق کے شہید ہیں اور ان ہی کی قربانیوں کی وجہ سے ہمارا ملک مضبوط ہے اور تا قیامت رہے گا
May Allah make family strong pic.twitter.com/9slbT4XcdH

— The President of Pakistan (@PresOfPakistan) August 5, 2022

صدر مملکت نے میجر سعید احمد کے بھائی امیر علی سے بھی ٹیلی فون پر بات کی۔ انہوں نے شہید کو خراج عقیدت پیش کیا اور کہا کہ قوم کو ان پر فخر ہے، اللہ ان کے گھر والوں کو ہمت اور حوصلہ دے۔ انہوں نے معاون پائلٹ میجر طلحہ منان شہید کے والد سے بھی بات کی شہید 2 چھوٹے بیٹوں کے والد تھے۔ انہوں نے شہید اور ان کے اہل خانہ کے لیے دعا کی اور یہ کہا کہ مسلح افواج کا ادارہ شہدا کے خاندانوں کی اچھی دیکھ بھال کرتا ہے۔

The President talked to Capt Ahmed Ali, son of Lt. Gen Sarfraz Ali Shaheed & expressed his condolences to family & admiration of an upright brave efficient officer & a leader whom he had met frequently. He said that it is due to these sacrifices that Pakistan stands strong today. pic.twitter.com/JdZt5fT888

— The President of Pakistan (@PresOfPakistan) August 5, 2022

صدر نے نائیک مدثر فیاض شہید کے خاندان کو بھی فون کیا اور ان کے خاندان سے بھی تعزیت کی، انہوں نے کہا کہ ان کے خاندان نے شہادت پر فخر ظاہر کیا ہے، قربانی کا یہ جذبہ پاکستان میں منفرد خصوصیت ہے اور اسی جذبے نے ہمیں محفوظ رکھا ہے ۔