ڈالر ملکی تاریخ کی بلند ترین سطح پر پہنچ گیا

کراچی : روپے کے مقابلے میں ڈالر تاریخ کی بلند ترین سطح پر پہنچ گیا ہے. تفصیلات کے مطابق ملک میں روپےکے مقابلے میں ڈالر کی قدر میں اضافے کا سلسلہ جاری ہے اور ڈالر تاریخ کی بلندترین سطح پر پہنچ گیا ہے۔ آج(منگل ) کے روز کاروبارکے آغاز پر انٹربینک میں ڈالرکی قدر میں اضافہ دیکھنے میں آیا اور دوران کاروبار ڈالر 202 روپے 75 پیسےکا ہوگیا تھا جب کہ اوپن مارکیٹ میں ڈالر 3 روپے مہنگا ہونے کے بعد 205 روپےکا ہوگیا تھا۔تاہم کاروبار کے اختتام پر انٹربینک میں ڈالر 2.77 روپے اضافے سے 202.83 کا ہوگیا ہے۔

Interbank closing #ExchangeRate for todayhttps://t.co/5h4viArShY pic.twitter.com/ASL46v8LTE

— SBP (@StateBank_Pak) June 7, 2022

دوسری جانب اوپن مارکیٹ میں کاروبارکے اختتام پر ڈالرکا بھاؤ 3.50 روپے بڑھ کر 204روپے ہوگیا ہے۔ خیال رہے کہ انٹربینک اور اوپن مارکیٹ میں ڈالر کی یہ ریکارڈ بلند ترین قیمت ہے۔