آزاد کشمیر بلدیاتی انتخابات کے تیسرے مرحلے کے سلسلے میں میرپور ڈویژن میں پولنگ کا شروع ہوگئی ہے۔ تفصیلات کے مطابق میرپور ڈویژن کے 3 اضلاع بھمبر ، کوٹلی اور میرپور میں ووٹ ڈالے جا رہے ہیں، پولنگ بغیر کسی بھی وقفے کے شام 5 بجے تک جاری رہے گی۔میونسپل کمیٹی، میونسپل کارپوریشن کے وارڈز، ضلع کونسل ، ٹاؤن کمیٹی اور یونین کونسل کی نشستوں پر انتخابات ہورہے ہیں۔ میرپور ڈویژن میں کل ووٹرز کی تعداد 12 لاکھ 38 ہزار 49 ہے جن میں سے 222 پولنگ اسٹیشن کو حساس ترین قرار دیے دیا گیا ہے۔ ایک میونسپل کمیٹی 9 ٹاؤن کمیٹی پر مشتمل ہیں جبکہ ڈویژن میں ضلع کونسل کی 116 اور یونین کونسل کی 118 نشستیں ہیں۔ میونسپل کارپوریشن کوٹلی ٹوٹل 14 وارڈز پر مشتمل ہے ، کوٹلی ڈسٹرکٹ کونسل کے 58 ممبران اور یونین کونسل کے 60 ممبران ہیں جب کہ وارڈز کی تعداد 430 ہے۔ میونسپل کمیٹی بھمبر ٹوٹل 8 وارڈز پر مشتمل ہے ۔ بھمبر ڈسٹرکٹ کونسل کے 31 ممبران اور یونین کونسل کے بھی 31 ممبران ہیں۔ جب کہ وارڈز کی تعداد 214 ہے۔