لوکی قدرتی طور پر بالوں کو سیاہ کرے

لاہور (ویب ڈیسک )جب چھوٹی عمر میں بال سفید ہونا شروع ہو جائیں تو تناؤ تو ہونا ہی ہے لیکن ایک ایسا گھریلو علاج ہے جسے اپنا کر اس مسئلے سے چھٹکارا حاصل کیا جا سکتا ہے۔ سوشل میڈیا کے دور میں ہر کوئی پرکشش اور جوان نظر آنا چاہتا ہے لیکن اگر کم عمری میں ہی بال اچانک سفید ہونا شروع ہو جائیں تو یہ کسی برے خواب سے کم نہیں۔ آج کل 25 سے 30 سال کی عمر کے لوگوں کے بال سفید ہو رہے ہیں جس کی وجہ سے وہ ڈپریشن اور کم اعتمادی کا شکار ہو جاتے ہیں تاہم اب مایوس ہونے کی ضرورت نہیں ہے۔ سفید بالوں کو سیاہ کرنے کے لیے اگر آپ ہیئر ڈائی یا کیمیکل والی کالی مہندی یا رنگ استعمال کرتے ہیں تو یہ بالوں کو فائدہ دینے کے بجائے نقصان پہنچا سکتا ہے۔ اس لیے ضروری ہے کہ صرف قدرتی طریقے ہی آزمائیں۔ سفید بالوں کو قدرتی طور پر سیاہ کرنے کے لیے آپ لوکی کا استعمال کر سکتے ہیں، یہ نہ صرف جسم کے زہریلے مادوں کو باہر نکالتا ہے بلکہ بالوں کو بھی بہت فائدہ دیتا ہے۔ درحقیقت اس سبزی میں آئرن، سوڈیم، فائبر، فاسفورس، وٹامنز اور پوٹاشیم جیسے غذائی اجزاء پائے جاتے ہیں۔ بال سفید کیوں ہوتے ہیں؟ جب بالوں میں میلانین پگمنٹیشن کم ہونے لگتا ہے تو یہ سفیدی کی وجہ بن جاتا ہے، لیکن لوکی کے ذریعے آپ بالوں کو دوبارہ سیاہ کر سکتے ہیں، لیکن اس کے لیے آپ کو کچھ محنت کرنی ہوگی اور اس سبزی کے تیل کو تیار کرنا ہوگا۔ لوکی سے تیل کیسے تیار کریں؟ سب سے پہلے لوکی کے چھوٹے چھوٹے ٹکڑے لیں اور پھر تیز دھوپ میں اسے پوری طرح خشک کریں۔ اب ایک برتن میں ناریل کا تیل لیں اور اسے گیس پر گرم کرنے کے لیے رکھ دیں۔ پھر سوکھے کریلے کے ٹکڑوں کو گرم تیل میں ڈالیں اور اس کا رنگ تبدیل ہونے تک پکاتے رہیں۔ اب تیل کے ٹھنڈا ہونے کا انتظار کریں اور اسے شیشے کی بوتل میں محفوظ کر لیں۔ تیل کا استعمال کیسے کریں لوکی اور ناریل کے تیل کے اس مکسچر کو ہفتے میں دو بار لگائیں اور جڑوں پر اچھی طرح مساج کریں۔ بہت سے لوگ اسے رات کو سونے سے پہلے سر پر لگاتے ہیں اور صبح سر پر دھو لیتے ہیں۔ اگر یہ طریقہ مسلسل اپنایا جائے تو آپ کے سفید بال نہ صرف دوبارہ سیاہ ہوں گے بلکہ ان کی چمک بھی برقرار رہے گی۔