لاہور: پاکستان کرکٹ بورڈ ( پی سی بی ) نے شاہد خان آفریدی کو ورلڈ کپ 2023 تک چیف سلیکٹر رہنے کی پیشکش کردی ۔ شاہد آفریدی اس وقت عبوری چیف سلیکٹر ہیں، پی سی بی سابق کپتان سے مزید 10 ماہ ذمہ داری نبھانے کا خواہشمند ہے۔پاکستان کرکٹ بورڈ نے شاہد آفریدی کو پیشکش کی ہے کہ بھارت میں نومبر میں ورلڈ کپ تک کیلئے ذمہ داری جاری رکھیں۔ ذرائع کے مطابق شاہد آفریدی نیوزی لینڈ ون ڈے سیریز کے بعد جواب دینگے۔ شاہد آفریدی کوچنگ سٹاف سمیت دیگر فیصلوں میں مشاورت میں شامل ہونے کے خواہشمند ہیں ۔ شاہد آفریدی کا کہنا ہے کہ قومی ٹیم کے متعلق اہم فیصلوں میں شامل ہونے کر بہتر کام کرسکتے ہیں۔