شاہین آفریدی کی ڈیزائن کردہ لاہور قلندرز کی نئی کِٹ متعارف

پاکستان کرکٹ ٹیم کے فاسٹ باؤلر شاہین آفریدی کی ڈیزائن کردہ لاہور قلندرز کی نئی کٹ سامنے آگئی ہے۔ تفصیلات کے مطابق پاکستان سپر لیگ ( پی ایس ایل ) کے آٹھویں ایڈیشن کیلئے لاہور قلندرز کی کِٹ کا ڈیزائن شاہین شاہ آفریدی نے خود ڈیزائن کیا ہے۔ لاہور قلندرز نے دو آفیشل کٹ متعارف کروائی ہیں ۔ ایک ہرے اور دوسرے سرخ رنگ کی کِٹ ہے، تاہم ہوم گراؤنڈ میں کھیلنے کیلئے لاہور قلندرز کے کھلاڑی ہرے رنگ کی کِٹ استعمال کریں گے۔ لاہور قلندرز کی جانب سے ٹوئٹر پر ایک ویڈیو شیئر کی گئی ہے، ویڈیو میں دیکھا جا سکتا ہے کہ لاہور قلندرز کی نئی کِٹ پر نقشہ بنا ہوا ہے۔

The Glamorous Kit Unveiled ????#qalandarhum #sochnabemanahai #HBLPSL8 pic.twitter.com/1w673hrR5h

— Lahore Qalandars (@lahoreqalandars) February 9, 2023

اس حوالے سے یکم فروری کو لاہور قلندرز کے سی ای او عاطف رانا نے بتایا تھا کہ شاہین شاہ آفریدی لاہور قلندرز کی نئی کِٹ تیار کررہے ہیں، جس طرح وہ وکٹ اڑاتے ہیں، ان کا کِٹ ڈیزائن بھی سب کے ہوش اُڑا دے گا، اُمید ہے کہ مداحوں کو نئے ڈیزائن کو پسند آئے گا۔ ادھر شاہین آفریدی کی جانب سے سماجی رابطے کی ویب سائٹ ٹوئٹر پر ٹوئٹ کرتے ہوئے سوال کیا گیا ہے کہ کیسی لگی میری کِٹ؟ دعاؤں میں یاد رکھیں۔

Kesi lagi meri Kit ?

Remember us in your prayers#QalandarHum #HBLPSL8 pic.twitter.com/eDVQkYhQxB

— Shaheen Shah Afridi (@iShaheenAfridi) February 10, 2023

سوشل میڈیا صارفین کی جانب سے نئے کِٹ کے ڈیزائن کو خوب سراہا جا رہا ہے۔